Racom Maubisse (23/08/2023) Uma Lisan KOUFU nia lokalizasaun iha area Bidulaha Aldeia Rimori Suku Maubisse Villa Munisípiu Ainaro, Ne’ebé Inaugura ona iha loron 23 fulan Agostu 2023 foin dadaun ne’e.
Iha Seremonia Inagurasaun ne’e ba Jornaalista Radiu Komundade Maubisse Mau-Loko Nain ba Uma Lisan KOUFU Miguel do Santos liu husi intervista hateten hahu kedan husi Inisiu, antes konstroi Uma Lisan ne’e iha Tinan 2021 halo ona proposta ba iha Governu liu husi Sekretaria Estadu Arte no Kultura maibe hela deit ho promesa laiha rejultadu.
“Ami halo ami nia uma ne’e, Umane no Mane Foun no familia sira husi Lisan Seluk mai ajuda hodi halo uma ida ne’e. Ami hakarak husu ba Governnu atu ajuda ami no haforsa tan ami mais tó agora laiha. Maske núne’e hakarak ou lakohi maske hau hanesan Mane mesak Lisan ida ne’e tenki halo, tamba ita hare katak uma lisan hotu ema hari tia hotu ona Tamba uma ida ne’e hanesan Uma Ukun. No ami halo proposta ba iha Estadu dehan atu foo san maka hau debe tia ema nia osan $ 6000, mais agora laiha rejultadu ruma mai husi Estadu ida ne’e”. Dehan Nain Uma Lisan KOUFU ne’e 23/08/2023.
Lian hanesan ható mós husi Kommisaun Organizadora ba Konstrusaun Uma Lisan KOUFU Zacarias Bossa, Tur Zacarias katak antes konstroi Uma Lisan ne’e hamutuk ho Uma oan halo ona proposta ba Iha Governnu, mai tó ohin Inaugura ona maibe la hetan tulun husi Estadu.
“Uma ida ne’e hahú konstrusaun iha 2021 halo proposta ba iha Nasional Liu-Liu ba iha Skretáriu Estadu Arte no Kultura no wainhira halo Verifikasaun ami tun ba iha Dili hodi ba hare iha ne’ebá hodi promote katak, Uma ne’e asase ona e ohin to adata dia 23 de Agostus halo Inaugura no han uma ben ida ne’e maibe uma Lisan ida ne’e la hetan tulun ida husi Governu Liu-liu Sekretária Etadu Kultura ninian.” Tenik Zacarias ba Jornalista RKMM.
Zacarias Kuntinua fundamenta Liu tan katak;
“Uma Lisan ida ne’e nia nain ida deit, tamba ne’e husi Komunidade familia ne’ebé maka viziñu tulun nia ajuda hodi harí uma ida hanesan ne’e. Hau rasik mós laos husi Uma Lisan ida ne’e tamba hare uma ne’e nia nain nia kbít la tó tamba ne’e hau mai sai hanesan Prezidente Komisaun Organizadora hodi organiza ami nia maun ho alin ida ne’e tamba nia kbít laiha duni nia oan mós mesak oan feto deit mane laiha. Tamba ne’e ami husu ba Governu labele bosok ami povu kík hanesan ne’e, haruka halo proposta ami halo haruka ba mais ami hela ho promote tó ohin loron ida ne’e laiha rejultadu ruma mai ami.” Haktuir Zacarias Bossa.
Entertatu partisipa iha Seremonia inaugurasaun Uma Lisan KOUFU Administrador Postu Maubisse ho Ekipa, Kmandante PNTL Esquadra Maubisse, Xefe Suku Maubisse Hamutuk ho Komunidade Aldeia Rimori Maubisse Munisípiu Ainaro.
Uma Lisan KOUFU hahu ninia Konstrusaun iha Tinan 2021 Finaliza no Inagura iha Loron 23 fulan Agostu 2023, ho total orsamentu ne’ebé gasta hamutuk $7.800 (Rihun Hitu Atus Walu) Dolares Amerikanu.
Jornalista Moises Magno
Editór Joaquim Coutinho
