Racom Maubisse (23/08/2023) Kuarta feira ne’e Amu Pároko Maubisse hamutuk ho Autoridade Lokal, Komunitaria, Kmandante PNTL Esqudra Maubisse, Hamutuk Lian Nain, Uma Oan Feto San no Umane ajisti Seremonia Inaugurasaun Uma Lisan KOUFU iha Bidulaha Aldeia Rimori Suku Maubisse Villa Munisípiu Ainaro.

Aktividade ne’e halao Ho Seremonia Kultural hanesan Duir Nan husi Uma Kakuluk tun mai rai hanesan Sembolu kasu todan ba Servisu durante ne’e hahu husi inisiu konstrusaun to mai iha nia finalizasaun.

Alem de ida ne’e Uma Lisan KOUFU Koa Fita no Fó Bensaun husi Amu Pároko Maubisse.

Ba Jornalista Radiu Komunidade Maubisse Mau-Loko Komisaun Organizadora ba Aktividade Inaugurasaun ne’e Zacaria Bossa hateten;

“Tara Mean ne’e katak, atu han uma ben ne’e tenki kasu tia todan ne’ebé durante hahú tesi ai ho fokit dut tó mai harí no taka uma ne’e foun, foin maka bele hetan bensaun ida ne’ebé hakmatek ninian núne’e bensaun ne’e hodi bele hetan grasa ne’ebé mai husi natureza katak natureza bele fó tulun no fó bensaun  ba iha Uma nian no Lisan ida ne’e”. Dehan Zacarias 23/08/2023.

Fatin hanesan liu husi diskursu Administrador Postu Administrativu Maubisse Claudino Mendonça hateten, Uma Lisan maka identidade Timor Nian no Liu husi Lisan mós hakiak ema, Koiñese Malu no respita malun.

“Ita hotu hatene katak Uma Lisan maka identidade Timor nian, Liu husi uma Lisan mós maka hakiak ema husi otas ida ba otas seluk. Tamba ne’e maka kona-ba Uma lisan maske ema ba iha Rai Ulun no Rai Ikun mesmu ke Raikadu la tó ba sira mais tamba tauk ba iha Lisan sira sempre tó mai tamba ne’e ita agradese Uma Lisan ne’e halibur ema.” Hateten Administrador Postu Administrativu Maubisse Liu husi diskursu.

Entertantu Uma Lisan KOUFU hahu ninia Konstrusaun iha Tinan 2021  Finaliza no Inagura iha Loron 23 fulan Agostu 2023, ho total orsamentu ne’ebé gasta hamutuk $7.800 (Rihun Hitu Atus Walu) Dolares Amerikanu.

Jornalista                     Moises Magno

Editór                          Joaquim Coutinho