Racom Maubisse 23/08/2023 Kuarta Feira Nee Fundasaun Patria realiza formasaun durante loron rua ba Jornalista Radio Local Rejian dois mak hanesan, Radio Komunidade Maubisse, Radio Komunidade Lian Proklamador Xavier do Amaral Turiscai, Radio Komunidade lian Tata Mai Lau, Radio Komunidade Kova Taroman Suai, inklui media online Lian Orluli Ainaro, exeptu Radio Komunidade 1912 Manufahi mak la participa.
Ba Radio Komunidade Maubisse Mauloko Projek Manejer Fundansaun Patria Idalia Boavida, haktuir katak formasaun loron rua ne’e sei facilita husi Konselho Imprensa Timor Leste no Plan Internasional, Konaba Hakbiit Radio Lokal Iha Parte Jestaun Rekursu no Oinsa Halo Advolkasia Ba Jornalista Radio Lokal Sira. Haktuir Project Manajer Idalia Boavida.
Projek manajer Fundasaun Patria ne’e haktuir liu tan katak, atividade nee Fundasaun Patria la serbisu mesak maibe parseria ho Plan Internasional no fundus nee mai husi Uniaun Europeia, aloka ba iha Plan Internasional, depois mak mai iha Fundasaun Patria hamutuk mos ho parseiru lima mak hanesan Belun, ADTL, JPIC, CAUCOS nomos MOFFE rasik.
Boavida Hatutan liu tan katak, formasaun durante loron rua ne’e, Fundasaun Patria foka liu ba projetu radio lokal sira no atividade nee ita halao ba dala rua no primeira ita liu ona, antes eleisaun iha territoriu nasional hamutuk radio 23 no ohin ita halao ba daruak nian iha rejiaun II maka hanesan Ainaro Manufahe no Kovalima.
Objetivu husi atividade formasaun ne’e atu hakbi’it abilidade radiu lokal ne’ebé Atu hasa’e koñesmentu diak liu tan husi radiu lokal sira iha parte rekursus umanu oinsá mak aktores radiu lokal sira bele iha kapasidade ba jestaun lideransa nian liuhusi halo jestaun rekursu umanu ne’ebé diak tebes hanesan hatene buka fundus ba radiu lokal ne’e rasik hanesan bele halo proposta ba finanseiru no mos jestaun ba iha informasaun komersial sira husi Parte Governu inklui ajensia lokal nasionál no internasionál liuhusi kria programa radiu ne’ebé sustentanvel, edukativu no informativu haree liu ba asuntu polítika, Ekonomia, saude, edukasaun, social no kultural.
Atividade formasaun sei hala’o ba aktores radiu lokal sira hotu iha territoriu nasionál liuhusi agrupamentu rejional hanesan tuir mai: Dili (inklui M.Atauro, M.Aileu, RAEOA ho M.Dili rasik); Ainaro (inklui M. Same/Manufahi, M.Suai/Covalima, ho M.Ainaro rasik); Liquiça (inklui M.Ermera, M.Maliana ho M.Liquiça rasik); Baucau (inklui M.Viqueuqe, M.Lospalos. M.Manatuto, ho M.Baucau rasik). No data implementasaun sei hala’o durante fulan haat hahú husi Jullu to’o fulan Outubru tinan 2023.
Iha formasaun refere sei hetan apoiu maximu husi parseiru advokasia FP nian maka: CI, PITL, Prezidente feto asosiasaun husi Munisipiu haat ne’ebé mak treinamenu ne’e konsentra ba nomos MAPKOMS, nu’udar treinadores. No Program Partisipant (Partisipante sira) sei mai husi aktores radiu lokal sira, iha rejiaun II kompostu husi munisipiu Ainaro, Manufahi no Covalima. Ho total radiu lokal 5, Kada Rejiuan sei kobre 25 pessoas.
Jornalista Natalino Mendonca
Editor Joaquim Coutinho
