Fundasaun PATRIA Realiza Formasaun Loron Rua ba Jornalista Local “Hakbi’it Rádiu Lokál Ne’ebé Kualidade Iha Parte Jestaun Rekursu No Oinsá Halo Advokasia Ba Jornalista Rádiu Lokál Sira”

0
24 views

Racom Maubisse, 23/08/2023, Fundação Pátria koopera ho Plan International Timor-este (PITL) realiza atividade formasaun nu’udar parte intergrada husi programa empoderamentu ba media (espesialmente radiu lokal), ne’ebé hala’o iha Kuarta ho Kinta (dia 23-24 Agostu 2023), iha Salaun Postu Administrativu Ainaro Vila Timor-este(TL).

Objetivu husi atividade formasaun ne’e atu hakbi’it abilidade radiu lokal ne’ebé Atu hasa’e koñesmentu diak liu tan husi radiu lokal sira iha parte rekursus umanu oinsá mak aktores radiu lokal sira bele iha kapasidade ba jestaun lideransa nian liuhusi halo jestaun rekursu umanu ne’ebé diak tebes hanesan hatene buka fundus ba radiu lokal ne’e rasik hanesan bele halo proposta ba finanseiru no mos jestaun ba iha informasaun komersial sira husi Parte Governu inklui ajensia lokal nasionál no internasionál liuhusi kria programa radiu ne’ebé sustentanvel, edukativu no informativu haree liu ba asuntu polítika, Ekonomia, saude, edukasaun, social no kultural.

Atividade formasaun sei hala’o ba aktores radiu lokal sira hotu iha territoriu nasionál liuhusi agrupamentu rejional hanesan tuir mai: Dili (inklui M.Atauro, M.Aileu, RAEOA ho M.Dili rasik); Ainaro (inklui M. Same/Manufahi, M.Suai/Covalima, ho M.Ainaro rasik); Liquiça (inklui M.Ermera, M.Maliana ho M.Liquiça rasik); Baucau (inklui M.Viqueuqe, M.Lospalos. M.Manatuto, ho M.Baucau rasik). No data implementasaun sei hala’o durante fulan haat hahú husi Jullu to’o fulan Outubru tinan 2023.

Iha formasaun refere sei hetan apoiu maximu husi parseiru advokasia FP nian maka: CI, PITL, Prezidente feto asosiasaun husi Munisipiu haat ne’ebé mak treinamenu ne’e konsentra ba nomos MAPKOMS, nu’udar treinadores. No Program Partisipant (Partisipante sira) sei mai husi aktores radiu lokal sira, iha rejiaun II kompostu husi munisipiu Ainaro, Manufahi no Covalima. Ho total radiu lokal 5, Kada Rejiuan sei kobre 25 pessoas.

Jornalista Natalino Mendonca

Editor Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments