Ainaro (29/05/2023) Ministru Administracao Estatal Diresaun Jeral Dezentralizasaun Administrativa, Diresaun Nasional Administrasaun, Hamutuk ho Vice Ministro da Administrasaun Estatal realija Reuniaun Konsellu Kórdenasaun ba dala ikus nian hamutuk ho Presidentes Autoridade Munisípiu14 iha Salaun Administrasaun Munisípiu Ainaro.
Reuniaun ne’e halao durante loron rua hahu iha Segunda ne’e.
Iha abertura ba Reuniaun ne’e Administrador Munisípiu Ainaro Leovigildo Amaral Pereira nia parte agradese ba VIII Governu liu husi Ministériu Administrasaun Estatal (MAE) bele ralija ona eventu ida ne’e iha Munisípiu Ainaro.
“Hau agradese tebes ba Sua Exelensia Ministru Administrasaun Estatal tamba bele realija reuniaun ida ne’e iha Munisípiu Ainaro. Ho ida ne’e hau lori Funsionariu hot-hotu nia naran agradese tebes, ikus liu hau hakarak ható obrigadu wain ba ita bót sira hotu ne’ebé bele hít-an mai iha Munisípiu ida ne’e.” Hateten Leovigildo Amaral Pareira 29/05/2023.
Hafoin abertura ba Jornalista sira Iha Edefisiu Administrasaun Munisípiu Ainaro Ministru Administrasaun Estatal (MAE) Miguel Pereira de Carvalho hateten, objetivu husi reuniaun ida ne’e hodi kolia kona-ba servisu Administrasaun nian iha nivel Nasional no Munisípiu sira.
“Kosellu Kórdenasaun Teritorial (KKT) ne’e hanesan eventu ida ne’ebé maka halo regularmente iha Ministériu Administrasaun Estatal (MAE), entre reuni Ministru ho Vise Ministru, Administrador Postu Administrador Munisípiu Presidente Autoridade no dirijentes sira servisu iha Sentral para ke atu kolia kona-ba servisu Ministériu Administrasaun Estatal nian tantu iha nivel Sentral ho nivel Munisípal.” Hateten Ministru.
Alem de ne’e durante mandatu VIII Governu Konstitusional reuniaun hanesan halo ba dala 6 ona.
“Mandatu VIII Governu Konstitusional ne’e realija ba ohin loron iha ne’e ba dala 6. Entaun ohin ho aban hau sei reuni hamutuk ho Administrador Prezidente Autoridade sira ho Dirijentes sira husi sentral ne’e ami atu kolia kona-ba asuntu servisu oi-oin entre outrus maka ezekusaun orsamental Munisípiu sira nian no mós servisu sentral agora ezekusaun orsamental iha ne’e inklui sira nia despezas rútina sira programa sira hanesan, Merenda Eskolar, Maun de Obra Postu Administrativu, PIDM, PNDS, no mós kolia kona-ba planu ne’ebé maka Munisípiu sira halo ba iha tinan fiskal 2024”. Hateten Ministru Administrasaun Estatal (MAE) ba Jornalista sira.
Reuniaun ida ne’e mós atu fó orientasaun ba Prezidente Autoridade, no Administrador Munisípiu sira trasa Palnu detallu hodi aprejenta ba iha Governu foun.
Alem de Reuniaun ida ne’e halao kada fulan 3 ba iha Munisípiu sira, no ne’ebé halao iha Munisípiu Ainaro ne’e hanesan reuniaun ba dala ikus nian.
Eventu ida ne’e sei halao durante loron rua hahu iha Segunda no remata iha Tersa feira loron 30 fulan Maiu 2023, ne’ebé partisipa husi Prezidente Autoridade, no Administrador Munisípiu 14 direjentes servisu Administrasaun Estatal husi nivel Nasional.
Jornalista Moises Magno
Editor Joaquim Coutinho
