Maubisse 30/05/2023 IADE Fasilita Formasaun Loron Rua Kona Ba, Buka Ideia Negosiu Inovativu Ba Imprezariu Lokal Maubisse Munisipiu Ainaro.
Formasaun ida ne’e Realija iha Salaun CDE IADE Maubisse hahú Tersa Feira ne’e.
Ligado ho Formasaun ne’e ba Jornalista Xefe CDE IADE Maubisse Ivo Inocensio hateten objetivu husi formasaun ne’e hodi hasa’e diak liu tan koiñesementu Imprezariu sira nia koiñesementu kona-ba oinsa buka idea negosiu ne’ebé ho valor Invoativu no merkadu hein hela.
“Formasaun ne’e atu fo hanoin ba emprezariu sira tantu sira nebe maka foin atu hahu, nomos sira nebe hahu tia ona prefere liu ba buka idaia negosiu nebe maka inovativu kreativu I idaeia no negosiu nebe iha ba merkadu ne’e iha no kontinuasaun. Tamba ne’e maka dala barak ita hahú ita nia negosiu ruma ita hahú iha premeiru deit tó iha klaran paradu tia ho ida ne’e iha formasaun BIN buka idea negosiu ne’e atu antes ita ba hili negosiu ruma ita presija indentifika lai bisnis ne’ebé maka viabel pas cocok merkadu mós hein hela ita ida ne’e maka ita presija.” Hateten Ivo Inocensio ba Jornalista RKMM 30/05/2023.
Kona-ba benefisiu husi formasaun ida ne’e, Ivo Inocensio hateten;
“Benefisiu ba sira mak ne’e sira bele kompriende bisnis ne’e labele para ka labele mate iha tempu ruma entaun sira presija buka nafatin kliente ka planu atu nunee sira nia bisnis nee iha nafatin kontinuasaun” Dehan Xefe CDE IADE Maubisse.
Nunee mós Partisipante Meliana Alves Lemos katak, nia parte Sente benefisiu husi Formasaun ne’e tamba nia mós Iha talentu no Kreativu Barak, maibe atu kongretiza ida ne’e presija tebes partisipa iha formasaun sira hanesan ne’e.
“Partesipa Formasaun Konaba Buka Ideia Negosiu ( Bin) nian mai hau Hetan Ona Antes Nee I ohin tuir tan ida ne’e. Entaun ba hau senti kontenti ho formasaun nee tanba bele hetan buat barak no sai ema nebe nakonu ho kreatividade diak iha hau nia an rasik no bele fasilita ba hau nia kolega feto sira nebe hakark hatene” Akresenta Meliana Alves.
Entertantu Formasaun Loron Rua Kona Ba, Buka Ideia Negosiu (BIN) Iha Edifisiu IADE Maubisse Munisipiu Ainaro bazeia ba planu annual nian nebe tau iha programa Instituto de Apoiu Dezenvolvimento Emprezarial (IADE) no Sentru Dezemvolvementu Emprezarial(CDE sigla postugés) nian tinan tinan.
No Formasaun ne’e fahe ba klase rua klase primeiru hahu loron 30 fulan Maio 2023 tó loron 31 Maiu 2023, no klase Segundu sei hahu iha loron 01 fulan Juñu 2023.
Jornalista Natalino Mendonça
Editor Joaquim Coutinho
