Racom Maubisse, 01/06/2023, Komunidade Maubisse Husu Governu da Sia Hadia Dalan sira ne’ebe mak asesu ba fatin Turismu Sira iha Maubisse nune’e bele Facilita vijitante sira tantu husi rai liur no rai laran hodi vijita sitiu turismu sira iha Maubisse, tamba Maubisse konhecido hanesan fatin turismu no fatin hortikultura.
Ba Radio Komunidade Maubisse Mauloko, Lucas Lopes Martins hanesan foinsa’e ida ne’ebe iha kreatividade no remata nia kursu egenneria husi Universidade da PAZ UMPAZ Segunda ne’e (29/05) Hateten katak;
“Ho kondisaun dalan ne’ebé susar ultrapasa iha iha tempu udan difikulta vizitantes sira hodi vizita, fatin turismu sira iha Maubisse, tamba ho dalan ne’ebe at, liu liu iha tempu udan difikulta vijitante sira husi rai liur no rai laran labele vijita fatin turismu sira ne’e no balun mai duni maibe fila deit iha dalan klaran”.
Foinsae Lucas ne’ebe ho talentu diak ne’e haktuir liu tan katak;
“Estrada maka difikulta vizitantes sira hodi vijita fatin turismu sira, maske ho kondisaun dalan ne’ebé la diak maibe vijitantes balun koriozu hakarak vijita duni fatin turismu sira ne’e, exemplu hanesan iha Gruta MADED Maubisse.” Dehan Lucas ba Jornalista RKMM 29/05/2023.
Ho kondisaun dalan ne’ebe ladun diak maka Foinsa’e sira hamutuk ho Komunidade Aldeia 3 Suku Maubisse Villa ho inisiativa rasik Mobilija komunidade taka estrada kuak sira ho Voluntariumente. Estrada sira asesu ba fatin turismu lubuk ida iha Maubisse laos foin mak hadia maibe hadia bebeik nune’e bele fasilita movimentu vijitante sira, liu liu komunidade agrikultor sira atu lori sira nia produ lokal ba merkadu Maubisse nomos ba Dili.
Koalia konaba turismu laos mak hotel bobot sira hanesan pouzada de maubisse maibe kolia konaba turismu mak paisazem sira, fatin kultura sira fatin historiku sira, fatin religiozo sira, fatin hortikultura nomos fatin turismu komunitariu.
Tamba ne’e Maubisse kuaze soi hotu ba fatin sira ne’e, gaba ne’e mak komunidade husu atu governu da sia sebele tau prioridade ba dalan sira nee, nune’e bele hadia diak liu tan hodi facilita komunidade sira no vijitante sir abele vijita fatin turismu sira iha Maubisse.
Jornalista Natalino Mendonca
Editor Joaquim Coutinho
