Mandatu VIII Governu Konstitusional Konstroi Uma Naroman Ba Povu 600 Iha Munisípiu Ainaro

0
18 views

Ainaro (29/05/2023) Ministériu Administrasaun Estatal (MAE) liu husi Programa Nasional Dezemvolvementu Suku PNDS ba Munisípiu Ainaro Konstroi ona Uma Naroman ba Povu (UNP) hamutuk 600. Alem de iha teritóriu Nasional Uma UNP hamutuk 9.854 (Rihun Sia Atus Walu Lima Nolu Resin Hát)

Númeru ne’e relata husi Ministru Administrasaun Estatal (MAE) Miguel Pereira de Carvalho Segunda ne’e iha Munisípiu Ainaro.

“Iha Governasaun VIII Konstitusional ne’e ami konsege harí uma 9.854 (Rihun Sia Atus Walu Lima Nolu Resin Hát). Iha Ainaro deit tinan-tinan ami harí uma 300, tinan kotuk 300 no tinan ida ne’e 300. Ne’e Programa Governu ida ne’e nian nia mandatu atu hotu ona, hau labele kolia Governu ida tuir mai sei halo ida ne’e ka lae.” Hateten Ministru Administrasaun Estatal (MAE) 29/05/2023.

Ministru relata ida ne’e ba Jornalista RKMM wainhira partisipa iha Reuniaun Konsellu Kórdenasaun Teritótial ho Prezidente Autoridade Munisípiu, no Administrador Munisípiu husi teritoriu Nasional iha Salaun Administrasaun Munisípiu Ainaro Segunda ne’e (29/05).

Jornalista Moises Magno

Editór Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments