Promove Kultura No Dezemvolve Seitor Agrikultura  Prioridade Ba Partidu KHUNTO Wainhira  Hetan Fiar Husi Povu

0
28 views

Racom Maubisse (06/05/2023) Kompremisiu Polítiku ne’e ható husi Prezidente Partidu Kmanek Haburas Unidade Timor-Oan (KHUNTO) Armanda Barta do Santos iha Mini Kampaña ho tipu Komisiu Iha Prasa Maubisse Munisípiu Ainaro Sabadu fim de Semana ne’e.

Prezidente KHUNTO Armanda Berta do Santos kompromete, karik Povu fó fiar ba Partidu KHUNTO hodi aumenta kadeira iha Uma Fukun Parlamentu Nasional, no kaer Governu da sia sei tau Prioridade liu ba seitor agrikultura no promove liu tan Kultura rai ida ne’e nian ba Mundo, tamba Kultura hola parte mós iha seitor turizmu ne’ebé presija dezemvolve no prompve ba Mundu.

Prezidente Partidu KHUNTO kuntinua kompromete, wainhira povu fó fiar ba kaer ukun iha Governu da sia, Partidu KHUNTO sei kuntinua promove programa Bolsa da Mae Jerasaun foun, Aumenta osan ba Ferik Katuas sira, no fó  Subsidiu ba Inan Isin Rua ho Oan, Fó Subsidiu Dolar Atus rua iha Fim do Ano ba Uma Kain hotu iha Timor-Leste, inklui programa sira seluk tan ne’ebé fó nia benefisiu ba Povu Nia Moris.

“Kultura no Animasaun ida ne’e sai hanesan Indentidade ida hodi hatudu ba Mundu Internasional katak Timor iha nia Identidade ida ne’ebé maka iha, para hotu-hotu bele repeita malu, koiñese malu liu husi Kultura.” Dehan Prezidente Partidu Kmanek Haburas Unidade Timor Oan (P KHUNTO) iha Postu Administrativu Maubisse Munisípiu Ainaro 06/05/2023.

Ligadu ba parte Agrikultura nian Lideransa Feto Partidu Kmanek Haburas Unidade Nasional Timor-Oan ne’e hateten;

“Ita nia agrikultura mós importante atu redus mal nutrisaun iha ita nia Nasaun no mós imprtasaun husi Rai Liur ita presija servisu makas iha parte agrikultura ninia. Laos haré ba ida ne’e deit maibe ita nia kafé nia folin bele aumenta itoan.” Hateten Prezidente P KHUNTO ba Militante no Povu Maubisse.

Iha Komisiu ida ne’e mós Lider Supremu Partidu Kmanek Haburas Unidade Nasional Timor-Oan (KHUNTO)  José do Santos Naimori Bucar esplika, wainhira Partidu KHONTO ba kaer ukun sei kria programa espesial ida ba Instituisaun PNTL ho F-FDTL, halori Instituisaun rua ne’e ba hamutuk ho povu, lori paz no estabilidade  ba dezemvolvementu Nasional, no lori moris diak ba povu Timor-Leste. Tamba KHUNTO núdar Partidu ida ne’ebé hadomi unidade Nasional.

“Se Nasaun ne’e atu ba oin presija Estadu ida premeiru tenki hatene saida maka atu halo iha rai ida ne’e. Premeiru maka ita nia Seguransa PNTL ho ita nia Forsa F-FDTL, sira ne’e maka ita tenki kria kondisaun ida ba sira diak, Kareta sira nia uma ne’ebé diak, sira nia familia bele hela hamutuk ho sira. Ita fila hanesan tempu Indonesia nian tenki tau iha Postu  iha ita nia Forsa no iha Suku para núne’e sira idak-idak hatene sira nia servisu iha Suku, Aldeia, Postu, mai tó Munisípiu. Atu núne’e sira bele moris hamutuk ho familia kuandu sira sai husi servisu, núne’e mós sira bele servisu hamutuk ho Joven ho ita nia populasaun atu núne’e buat hotu bele lao ho hakmatek iha Nasaun ida ne’e. Para ita hotu haré ba Unidade Nasional no haré ba dezemvolvementu ema hotu ninian, ida ne’e maka KHUNTO se luta hakarak Nasaun ne’e lao diak, hakarak ema hotu lao livre maka rua ne’e ita tenki tau prioridade” Hateten Lider Supremu P.KHUNTO.

Lider Supremu Partidu KHUNTO ne’e mós husu Joventude Maubisse, kuntinua mantein Unnidade Nasional, núne’e povu bele hetan moris diak, no la tauk atu luta ba lia lós paz no estabilidade.

Fatin hanesan Kórdenador Partidu Kmanek Haburas Unidade Timor-Oan (P KHUNTO) Pontu Administrativu Maubisse, Martinho iha militantes no simpatizantes nia oan hateten husu hili no eskolla Partidu KHUNTO iha Loron 21 Fulan Maiu 2023, hodi hadia fatin Turiztiku sira iha Maubisse hanesan Pouzada Maubisse ne’ebé ba oras ne’e hakonu dút, inklui fatin seluk tan ne’ebé la dauk dezemvolve ho diak.

“Pouzada ne’ebá ne’e kuaje tinan hira ona abandona hela tamba ita la kohi buat ne’e mosu mai ita hamutuk para hadia. Tamba ne’e husu ba inan aman sira ne’ebe ohin loron ita bót sira sei iha ita bót sira sai sasin ba Maubisse ema balun kolia hanesan ne’e ami maka diak liu duke sira sim, o mós la diak liu ami, ami mós la diak liu o maibe ita koko maka ita haré. Tamba ne’e maka hau fó hatene inan aman sira maun ho alin sira hotu katak iha dia 21 Maiu keta haluhan vota ba Partidu KHUNTO.” Hateten Kórdenado Postu Maubisse Ne’e.

Atividade Kampaña ne’ebé  halao iha Prasa Merkadu Maubisse ne’e, hetan Seguransa másimu husi PNTL Esquadra Maubisse, observa husi observador Nasional no supervisiona husi Ekipa CNE Postu Administrativu Maubisse.

Entertantu Munisípiu Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar loron 21 Fulan Maiu hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments