Racom Maubisse (27/04/2023) Prezidente Partidu Kongresu Nasional Rekonstrusaun Timorrnse (CNRT sigla Postuges) Kay Rala Xanana Guasmão hateten ida ne’e iha Mini Kampaña Kinta feira ne’e iha Postu Administrativu Maubisse Munisípiu Ainaro.
Alende halao Kampaña selebra mós loron Aniversariu Partidu Kongresu Nasional Rekonstrusaun Timorrnse (CNRT) ba dala 16 hamutuk ho Militantes no Povu Maubisse.
Liu husi diskursu Polítiku ba Militantes no Simpatizantes no Povu Maubisse Kay Rala Xanana Guasmão hateten;
“Tinan 16 ohin CNRT mosu, mosu ita halibur malun iha ne’e atu fó fiar ba malun Liberta Povu tamba imi maka Liberta tia ona Rai Timor ne’e”. Dehan Xanana 27/04/2023.
Núne’e Xanan mós Rekuiñese Kontribuisaun Povu Maubisse ba Partidu CNRT liu husi Votu tamba tuir lideransa CNRT ne’e katak, Maubisse marka ona Istória hahú husi tinan 2007 CNRT la lakon no sempre manan ho votu Maioria.
“Tamba ida ne’e ohin rona tia ona Maubisse husi 2007 tó agora CNRT nungka lakon ba nafatin loke dalan hau katuas ona maibe sei simu responsabilidade husi imi buat importante ida maka haré ba imi harí ita nia Estadu tamba imi nia sofrementu, tamba imi nia korajen, tamba imi nia brani, tamba imi nia terus. Girilla Timor tó iha ne’ee, karik maka povu lakohi Ukun-an la folin buat ida, girilla atu kík tó iha ne’ebé kuandu Povu hakarak ita hetan duni saida maka ita hakark, imi maka duni Inimigu, ita la duni Inimigu ho kilat, ita la duni Inimigu ho Kainaun, maibe ho Pregu tú.”Dehan Kay Rala Xanan Gusmão.
Tamba ne’e ba apoiantes Partidu CNRT no Povu Maubisse Xanan Promete sei tau matan ba Ferik- Katuas sira.
“Kontenti teb-tebes tamba haré imi barak liu-liu hau nia maun, hau nia alin fúk mutin, hau nia bin ka hau nia alin fúk mutin sira imi iha ne’e mós para barak. Katuas ho Ferik sira maka fo lembra fó nafatin obrigasaun ba partidu ida ne’e atu hadia tia ita nia rain, ita nia Estadu de Dereitu Demokrátiku hodi haré ba Povu nia moris no rai ne’e nia dezemvolvementu ita la manan funu se imi la terus, imi la iha korajen simu sakrefisiu hot-hotu imi maka Herois.” Afirma Lider Másimu CNRT Kay Rala Xanana Gusmão.
Iha Fatin hanesan Kórdenador Partidu Partidu Kongresu Nasional Rekonstrusaun Timorrnse (CNRT sigla Postuges) Postu Administrativu Maubisse Munisípiu Ainaro Sebartião Castro Pereira “Kakatua” Kompromete katak Maubisse sei fó votu maioria ba CNRT hodi lori Kay Rala Xanan Gusmão ba kaer hikas Ukun.
“Postu Maubisse mai kedan husi 2027 mai tó iha Elisaun Prezidensial Postu Maubisse nungka lakon iha CNRT. Agora akontese iha Postu Maubisse Movimentu sanolu resin hau fiar katak Postu Maubisse sei manan mutlak.” Dehan Kakatua.
Tamba ne’e ba Militantes no Simpatizantes Partidu CNRT nian iha Maubisse nia husu;
“Hakarak atu apela ba maluk sira hotu ita nia Maun Bót Xanana tinan 70 resin ona atu tama ba tinan 80, tamba ne’e iha númeru 12 fó imi nia votu ida deit, imi la fó Sampaña ba Maun Xanana loke, imi la fó Kek ba Maun Xanan kua maibe votu oan ida deit iha loron 21 liu semana ida ou rua hanesan ne’e lori ona Maun Xanana ba túr iha Governu hodi hadia tia rai ida ne’e.” Hateten Kórdenador Postu Partidu CNRT Sebastião Castro Pereira “Kakatua”
Antes termina aktividade minni kampaña ne’e Prezidente Partidu Kay Rala Xanan Gusmão entrega mós Bosura Planu no Programa ba tinan 5 ba Kórdenador Postu hodi kuntinua fahe ba Militantes Partidu CNRT iha Suku 9 Maubisse nian.
Entertantu, maski iha kampaña aberta ne’e iha ambiente udan, maibe militante CNRT mantein hakonu fatin kampaña, hodi rona kompremisiu Poliítiku husi Partidu CNRT.
Nune’e mós marka prezensa husi partidu aliadu no movimentu sira, inklui hetan observasaun direita husi orgaun Eleitoral Komisaun Nasional Elisaun (CNE sigla Posrtuges), no mós hetan Seguransa másimu husi Polisia Nasional Timor-Leste komandu Munisípiu Ainaro.
Jornalista Moises da Silva
Editór Joaquim Coutinho
