Klinika S. Joaquim Maubisse Infrenta  Problema Menus Aimoruk No  Rekursus Humanus

0
15 views

Racom Maubisse (27/04/2023) Médika Rutilia Julio Cristina Reis Ribeiro Kinta feira ne’e iha nia knár fatin  Informa, Aimorik ne’ebé menus laos iha tinan ida ne’e  maibe komesa kedan husi tinan 2021. Maka hanesan  Ai-Moruk esensial sira hnesan Antibiótiku sira, Parcetamol no Vitamina ba labarik sira.

“Durante atendementu buat hotu lao ho diak maibe ami iha mós problema ho Ai-Moruk laos foin maka iha tinan ida ne’e deit maibe komesa kedan husi tinan 2021  Ai-Moruk menus liu-liu ba Ai-Moruk ensensial sira hanesan sira maka hanesan Antibiótiku ne’ebe importante, Paracetamol, Vitamina sira para bele apoiu ajuda ba nutrisaun Labarik ne’e maka menus liu. Agora dadaun ami sei iha problema ba Ai-Moruk sira ensensial hanesan ne’e deit. Tamba ida ne’e dala ruma ami halo atendementu maibe ami membatasi ami nia programa ne’e liu-liu ba SISCA tamba Ai-Moruk atu hodi sai ba fó konsulta SISCA nian la tó ami tenki tau prioridade liu iha Klínika ho Postu Saude sira.” Dehan Rutilia ba Jornalista 27/04/2023.

Núne’e nia kuntinua hatutan liu tan katak ba oras ne’e dadaun iha Klínika São Joaquim Maubisse hetan apoiu  Médiku husi Postu Saude (PS) tamba iha Klínika rasik laiha Médiku.

“Kona-ba Rekursus Humanus antes kedan la sufisiente tamba sei falata ema barak hanesan iha Postu ita presija ema nain lima ba leten maibe iha deit ema nain ida ou ema nain rua iha Postu, iha Klínika S.Joaquim agora dadaun Médiku laiha Médiku husi Postu sira maka mai halo apoiu iha ne’e tamba antes iha duni Médiku nain tolu maibe sira mós servisu kleur ona no prioridade ba sira kuntinua fali sira nia koiñesementu klean liu tan iha Hospital Nasional Quido Valadares Dili tamba ne’e maka Médiku nain 3 iha ne’e laiha sira tenki muda, no Médiku nain 5 husi Postu Saude sira maka agora dadaun mai halo apoiu atendementu iha ne’e. Ne’ebé Rekursus Humanus iha ne’e ami presija tamba loron-loron M’ediku tenki truka para mai halo apoiu iha ne’e no Infermeiru sira no Parteira sira mós presija.” Haktuir Médika ne’e.

Biban ida ne’e mós Médika husi Postu Saude Horai-Quik ne’e kuntinu relata hahú husi fulan Janeiru 2023 moras ne’ebé maka rejista barak liu maka Mear tuir kedan ho moras Té Ben liu-liu ba labarik sira, no moras Hipertensaun ba ema bót.

“Husi fulan Janieru mai tó agora dadaun liu husi ami nia atendementu loron-loron, Segunda tó Sexta mais ou menus pasiente 20 tó 50 pasiente kada loron. Iha kaju ne’ebé barak liu ami atende durante ne’e  maka Maer ne’e barak liu tamba haré mós ba Klima Maubisse nian enatun kaju ida ne’e maka sa’e makas, iha mós kaju hanesan Te Ben ne’e maka iha makás liu-liu iha Labarik sira, iha mós kaju Hipertansaun ba Adultu sira ida ne’e maka tian-tinan ami sempre antende maibe husi Janeru mai tó agora kaju sira ne’e maka sae makas”. Relata Nia ba Jornalista RKMM.

Tamba ne’e ba Komunidade Maubisse nia husu karik hetan moras labele hela deit iha uma, maibe presija hakbesik-an ba iha fasilidade saude hodi hetan tratamentu husi Pesoal Saude sira, basa ita nia Saude iha ita nia liman rasik.

“Hau hakarak ható ba Komunidade sira ita moras Saude iha ita nia liman rasik, ita maka tenki hare ita nia-an. Tamba ne’e kuandu ita moras labele hein kleur iha uma tenki ba lalais  iha fasilidade saude  sira ne’ebé besik atu núne’e bele hetan atendementu molok ba iha kondisaun ne’ebé grave se kuandu ita tama ona iha kondisaun ne’ebé grave ita presija tempu atu rekopera ne’e mós karik ho Grasa Maromak nian ita bele rekopera maibe dala barak ita la espera bele mosu hanesan bele tó mate tenki baisa tó tempu naruk, tmba ne’e maka se karik ita senti moras  itoan tenki mai kedas iha fasilidade saude atu bele hetan atendementu ne’ebé lais.” Hameno  Rutilia Julio Cristina ba Komunidade Maubisse iha nia knár fatin Klínika São Joaquim Maubisse.

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments