Racom Maubisse (19/04/2023) Kompremisiu ne’e ható husi Prezidente Partido Kmanek Haburas Unidade Nasional  Timor Oan (P.KHUNTO) Armanda Berta do Santos iha nia diskursu  ba Kampaña dahuluk nian iha Munisípiu Ainaro Kuarte Feira ne’e.

“Sei Povu fó fiar ba Partidu KHUNTO iha 2023 ida ne’e, sei halo programa sira ne’ebé maka elebora ona no ita fahe ona ba Kordenador ható husi Munisípiu. Ita hare ba Paz Estabilidade  no relasaun Internasional sira” Dehan Armanda Berta Iha Munisípiu Ainaro 19/04/2023.

Armanda Berta do Santos Kompromete wainhira hetan fiar iha Elisaun Parlamentar tinan ne’e  Partidu KHUNTO sei lori moris diak ba Povu liu husi hadia Edukasaun Ne’ebé kualidade no lori  Saude hakbesik ba Povu inklui hadia Infrantrutura.

 “Sei halo mudansa ba Edukasaun importante, Saude importante, Infrastrutura imprtante, tamba ne’e hau husu ba Militantes sira hotu Partidu KHUNTO ninian atu Vota ba Partidu KHUNTO” Dehan Lider Partidu KHUNTO Armanda Berta do Santos ba Militantes no Simpatizantes iha Munisípiu Ainaro Loron.

Fatin Hanesan Lider Supremu Partidu Kmanek Haburas Unidade Nasional Timor Oan (KHUNTO) Jose do Santos Nai Mori  Bucar argumenta liu tan katak, husu ba Militantes no Simpatozantes Partidu KHUNTO nian  atu fó fiar nafatin ba KHUNTO ba Kaer ukun dala ida tan tamba Partidu KHUNTO maka Simbolu Unidade Nasional no KHUNTO maka Hadomi Ema Hotu.

“KHUNTO maka imi nia dalan ba futuru, KHUNTO maka Unidade Nasional diak liu mai tan KHUNTO atu bele hatene diak liu tan,  tamba KHUNTO laos Politik deit maibe hanorin ema atu respeita ema” Dehan Jose do Santos Nai Mori Bucar.

Entertantu Kampaña Eleitoral Partido KHUNTO iha Munisípiu Ainaro  lao ho diak tó remata. Tamba hetan seguransa másimu husi PNTL, F-FDTL, Inklui hetan Supervisaun CNE Munisípiu Ainaro.

Jornalista         Moises da Silva Magno

Editór              Joaquim de Fátima Coutinho