Racom Maubisse (22/04/2023) Kada tinan Uma Lisan hotu iha Posto Administrativu  Maubisse sempre halao serimonia Kultural tun be matan no mos bidu halaeu be Matan ho Ai-hun sira, ho nia objetivu maka hodi hasae agradese ba Maromak liu husi Natureza. Aktividade Kultura Tun Be Matan no Ai-Hun ne’ebe Oras ne’e dadaun halao iha Uma Lisan sira iha Maubisse Sei termina ho Missa Agradesementu iha Paroquia Imaculado Coração de Maria Maubisse (PICOMA) iha Loron 30 fulan Abril 2023.

Tamba ne’e Prezidente Kultura Paroquia Imaculado Coração de Maria Maubisse Luis Sarmento hafoin partisipa iha Sururmutuk ba Preparasaun festa Paroquia ba dala 40 iha Rezidensia PICOMA husu ba lian nain husi Uma Lisan sira iha Maubisse konsentra hamutuk iha Salaun Paroquial Maubisse iha Loron 29 fulan Abril hodi realija aktividade Kultural hafoin hakat ba Missa agradesementu iha Loron 30 iha Igreja Maubisse.

“Hanesan Prezidente Kultura PICOMA ninian hau fó hanoin katak, tamba iha inisiu fulan Abril ninian fó ona tempu ba sira ne’ebé maka iha Uma Lisan ninian, ne’ebe orariu ne’ebé ami fó katak tó ona iha dia 29 de Abril hotu-hotu tenki mai fila fali iha Paroquia iha dia 30 ita bele halo ona Missa inseramentu ba iha aktividade tun Be Matan no Ai-Hun ho Missa Agradesementu ba 2023 ninian”. Hateten Prezidente Kultura PICOMA 22/04/2023.

Núne’e nia kuntinua apela nafatin ba responsabel lia nian husi Uma Lisan sira katak, antes atu tama ba iha Missa Agradesementu husu atu konsentra hamutuk iha Salaun Paroquial iha Loron 29 fulan Abril 2023 Loro-Karaik.

“Ba Lia Nain sira hotu husi Turain, Husi As Talin, tó Libere ninain iha dia 29 hotu. Lok-Raik fila fali mai iha Paroquia atu dia 30 ita bele halo Missa insera ba Be Matan Ai-Hun ninian.”Hakotu Prezidente Kultura PICOMA Luis Sarmanto.

Jornalista                     Moises da Silva Magno

Editór                          Joaquim de Fátima Coutinho