Racom Maubisse, 07/03/2023, Reprezentante AMARC halao sorumutu ho Ekipa Radio Comunidade Maubisse Maluko ne’ebe kompostu husi Konselho no Autoridade Local Posto maubisse nomos Komunidade Balun hodi koalia no diskute kona ba papel Radio Comunidade no dezafiu sira ba dezemnvolvimentu Radio Comunidade iha Timor Leste, inklui Radio Komunidade Maubisse Mauloko.
Amarc hanesan Assosiasaun Radio Comunidade Mundiál husi Asia Pasífiku hili Radio Comunidade Tolu hanesan Radio Comunidade Maubisse Mauloko, Radio Comunidade Loriku Lian iha Dili no Radio Comunidade Lospalos sai hanesan Parseiru ho AMARC. Sorumutuk ne’e halao iha loron hitu fulan Marco 2023 iha postu Administrativu Maubisse, Municipiu Ainaro.
Iha sorumutu ne’e fasilitador Amarc Venancio de Jesus hatete;
“Amarc hili radio kuaze sanolu resin maibe radio comunidade tolu refere mak sai hanesan parseiru ho Amarc no objetivu husi sorumutu ida ne’e mak Amarc hakarak atu Radio Comunidade tolu ne’e bele partisipa iha prosesu dezenvolvimentu. Tamba ne’e koalia kona ba dezenvolvimentu presija ema hotu nia kontribuisaun nune’e bele koalia klean konaba dezemvolvimentu ne’e rasik, liga ho problema social sira ne’ebe akontese iha komunidade nia le’et liu liu hare konaba komunidade fulneravel sira.
Iha fatin Hanesan Jestor Radio Komunidade Maubisse mauloko, lori Estrutura Radio Komunidade maubisse hato’o agradecimentu ba AMARC tamba bele hili Radio komunidade Maubisse hola parte iha Programa AMARC nian.
“Hanesan Jestor hau kontente tamba Amarc hanesan Assosiasaun Radio Comunidade Mundiál husi Asia Pasífiku hili Radio Comunidade Tolu hanesan Radio Comunidade Maubisse Mauloko, Radio Comunidade Loriku Lian iha Dili no Radio Comunidade Lospalos sai hanesan Parseiru ho AMARC”.
Tamba ne’e precise radio komunidade tolu ne’ebe hanesan mensiona iha leten iha korajem no boa vontade hodi asesu programa sira husi AMARK nune’e bele aprende buat ruma husi programa sira ne’ebe mak AMARC trasa hamutuk ona ho radio Komunidade tolu iha Timor nomos Radio Komunidade ualu seluk iha Indonesia nomos nradio sira iha rejiaun asia pasifiku.
Jornalista : Imaculada Mendonca
Editor : Joaquim Coutinho
