Racom Maubisse, 07/03/2023, Iha tinan ida ne’e 2023, hahu husi Fulan Janeiro to Fulan Março moras ne’ebe sa’e maka’as iha Hospital Referral Maubisse mak moras Infeksaun Respiratóriu Aguda ka IRA.

Ba jornalista Radio Comunidade Maubisse Mauloko iha tersa loron hitu fulan ne’e, Diretora Ezekutiva Hospital Referal Maubisse Gabriela da Conceição Magno Pereira hateten katak;

“Hare ba iha pasiente sira ne’ebé halo konsulta barak liu mak hetan moras Infeksaun Respiratoriu no sira ne’ebé baixa labarik sira maioria ho moras Broncho Pneomonia no Bronchiolitis, pasiente baixa ba ema adultu sira ho moras oi-oin ne’ebe transfere husi hospital sira seluk hanesan Ainaro. Same no Aileu mai iha Maubisse”.

Hatan kona ba rekursu humanus iha Hospital Referal Maubisse Diretora Ezekutiva ne’e haktuir liu tan katak;

“Iha duni problema kona ba rekursu humanus maibe parte Diresaun Nasional Rekursu Humanus Ministériu Saúde koko hodi aloka Pessoal Saude sira hodi prienxe fatin sira ne’ebé iha ona”.

Aleinde ne’e indikador ka ema ne’ebé baixa iha Hospital Referal Maubisse iha idikador tolu mak hanesan BOR, NDR no GDR. Kona ba atendimentu iha Hospital refere Maubisse Ecsecutiva ne’e hatan katak sira sempre halo atendimentu ne’ebé di’ak ba paciente sira.

Tamba ne’e Diretora Gabriela hato’o mos lia menon ba komunidade sira katak kontinua fase liman no sira ne’ebé senti iha sintoma moras nian hakbesik an ba fasilidade saude tamba saude iha ita nia liman rasik. Tamba ne’e lideranca maksimu Hospital Referral maubisse ne’e husu ba komunidade sira atu moras karik labele toba deit ka hela deit iha uma, maibe buka atu hakbesik-an mai iha sentru saide sira ne’ebe besik no bele mai klinika no Hospital referral maubisse hodi hetan atendementu.

Jornalista       : Imaculada Mendonca

Editor             : Joaquim Coutinho