Directora Hospital Referral Maubisse Preokupa Ho Ahi Eletricidade Ne’ebe Mate Lakan

0
14 views

Racom Maubisse, 07/03/2023, Ahi eletricidade ne’ebe mate lakan kada loron bele mate lakan to’o dala hat ka lima, iha area Maubisse halo directora Hospital Referral maubisse preokupa, tamba ho ahi eletricidade ne’ebe mate lakan nune’e bele prejudika atendementu ba pessoal saude sir aba pasiente, tamba tauk iha momentu operasaun ba paciente ne’ebe moras mak ahi mate derepente bele prejudika paciente sira nia vida.

Ba Radio Komunidade Maubisse mauloko, Doutora Gabriela haktuir katak;

“Koalia kona ba problema eletrisidade ne’ebé sempre mate lakan iha postu Maubisse hau prokupa ho kondisaun pasiente sira ne’ebé halao operasaun no labarik sira ne’ebe iha incubador tamba zerador ne’ebé iha ne’e zerador manual maske nune’e iha problema ne’ebé sériu. Inpaktu husi problema eletrisidade sai problema mos ba Mákina sira no fo impaktu ba rejultadu no mos pasiente sira”. 

Ahi eletricidade ne’be mate lakan kada loron bele to’o dala hat ka lima, laos preokupa deit husi parte hospital, maibe mos preokupasaun hanesan mai husi komunidade em jeral.

Tamba ne’e tuir Manuel Sequeira de Araujo hanesan mos negosiante ida haktuir katak,

“Ahi eletricidade ne’be mate lakan ne’e bele estraga ami nia sasan sira hanesan jeleira, TV, lampu sira bele keima no at”.

Tamba ne’e husu ba parte EDTL Municipiu Ainaro atu hare kestaun ne’e nune’e labele prejudika komunidade em jeral liu liu paciente sira iha Hospital Rerral Maubisse.

Jornalista       : Imaculada Mendonca

Editor             : Joaquim Coutinho   

0 0 votes
Article Rating
Subscribe
Notify of
guest
0 Comments
Inline Feedbacks
View all comments