Racom Maubisse (12/12/2022) Segunda Feira ne’e Delegasaun Husi Ministériu Solidaridade Sosial, BNCTL Munisípiu Ainaro, Hamutuk ho Administrador Postu Administrativu Maubisse halao lansamentu ba Distribuisaun Osan Subsidiu Fim do Ano ba Familia Uma Kain Husi Suku 9 iha Maubisse. Osan hirak ne’e Intrega direita husi Ekipa BNCTL Ainaro ba Administrador Postu Hafoin Intrega hikas ba iha Xefe Suku no Xefe Aldeia kuntinua lori ba Distribui ba Familia uma Kain sira iha idak-idak nia Suku no Aldeia.
Antes lansa ba Jornalista Radiu Komunidade Maubisse Mau-Loko Administrador Postu Maubisse Claudino Mendonça hateten;
“Ohin ita halo ona lansamentu ba Distribuisaun osan $ 200 dolar ba Suku sira, ne’ebe iha Postu Administrativu Maubisse kompostu husi Suku 9 Aldeia 62 sei distribui ba Xefe do Suku sira hodi hahú pagamentu ba iha kada Aldeia-Aldeia” Dehan Claudino Mendonça ba Jornalista RKMM 12/12/2022.
Tamba ne’e ba Familia sira ne’ebe maka sei simu Osan ho Montante $ 200.00, Autoridade Postu ne’e husu atu kumpri no halo tuir regras ne’ebe maka estabelese fó sai husi ekipa sira katak, tenki lori Fisa Familia no Kartaun Eleotiral asli ho Kopia antes husi ba Simu osan.
“Lia menon ba Komunidade sira ka BeneFisioariu sira tenki kumpri regras ne’ebe maka estabilisidu ona husi Ministériu Solidaridade Sosial no Inkluzaun (MSSI) katak kada Xefe de Familia tenki Foto Kopia Fisa da Familia tahan ida, no mós Kartaun Eleitoral tahan ida no mós hatudu ninia orijinal hodi hatudu katak pagamentu ne’e la sala ba duni nain ne’ebe maka merese atu hetan” Hameno Autoridade Másimu Postu Administrativu Maubisse ne’e 12/12/2022.
Fatin hanesan Kóedenadora Jeral ba Pagamentu Uma Kain iha Munisípiu Ainaro Silvia Verona Husi Ministériu Solidaridae Sosial no Inkluzaun MSSI fundamenta, total Benefisiuariu iha Munisípiu Ainaro Hamutuk 17.244 (Rihun Sanulu Resin Hitu Atus Rua Hát Nolu Resin Hát) no osan ho nia Montante Miliaun 3 Resin. No Distribuisaun ne’ebe maka halao dadaun iha Postu Administrativu Maubisse ba Uma Kain Hamutuk 6.148 (Rihun Nen Atus Ida Hát Nolu Resin Walu) Ho Orsamentu Hamtuk Miliaun Ida resin.
“Atu hatete deit total Benefisiuariu iha Munisípiu ainaro ne’e hamutuk 17.244 pessoas ho nia montante Orsamentu $ 3,448.800, propriu ba iha Maubisse deit ne’e iha Benefisiuariu hamutuk 6.148 Pessoas ho nia montante Orsamentu $1.229,600” Haktuir Kóedenadora Jeral ba Pagamentu Uma Kain iha Munisípiu Ainaro Silvia Verona Iha Maubisse 12/12/2022.
Kórdenadora Jeral Pagamentu Subsidiu Fim do Ano Munisípiu Ainaro ne’e esplika”
“Iha regras ne’ebe maka atu utulija iha pagamentu, regras ami nia tékniku sira hatene ona antes atu aranka mai sira idak-idak hatene ona knár sira nian saida maka sira atu halo. Buat ida importante iha ne’ebá maka Benefisiuariu nia Fisa Familia no nia Eleitoral, wainhira iha reprejentante ruma atu foti osan maka nia mai la lori dukumentus no nia naran laiha Fisa da Familia ne’ebe maka tékniku sei la halo pagamentu. No wainhira iha naran ruma maka sala ka númeru Eleitoral maka sala Xefe aldeia ho ami nia tékniku pagamentu sira sei resolve no sei kuntinua halo pagamentu ba Benefisiuariu refere. Iha ne’e mós iha regras sira ne’eb’e maka ami simu ida ne’e importante tebes bainhira Benefisiuariu sira atu tama ba halo pagamentu no foti sira nia osan sira tenki priense lai deklarasaun rendementu atu núne’e ami bele hatene no ami labele sala iha ami nia pagamentu atu fó ba sira, no ami sei iha formulariu tolu iha ne’ebá ida atu justifika karik xefe familia laiha no iha seluk tan ne’ebé maka sira iha naran sala sei justifika” Tenik Silvia Verona ba Jornalista 12/12/2022.
Jornalista Moises da Silva Magno
Editór Joaquim de Fátima Coutinho
