Suku Fatubessi Tuir Dadus  Uma Kain Ne’ebé Sei Simu Subsidiu Fim do Ano  Hamutuk 301

0
40 views

Racom Maubisse (12/12/2022) Xefe Suku Fatubessi Postu Administrativu Maubisse Munisípiu Ainaro Bonifacio Pereira Mendonça relata ida ne’e ba Jornalista Radiu Komunidade Maubisse Mau-Loko Hafoin Simu Osan Subsidiu Fim do Ano Husi ekipa BNCTL Munisípiu Ainaro iha Salaun Postu Administrativu Maubisse Segunda feira ne’e, hodi kuntinua distribui hikas familia sira iha Suku Fatubessi Maubisse.

Autoridade Suku Fatubessi ne’e hateten;

“Objetivu ohin ami mai hamutuk iha Postu Administrativu Maubisse atu halo levantamrntu ba osan fim do ano ne’e ou Subsidiu ba Uma Kain ne’e, ne’ebe ohin ami Suku 9 ne’e mai hotu iha ne’e núne’e ami bele foti osan ne’e husi BNCTL. Iha Suku Fatubesi uma kain ne’e hamutuk 301 (Atus Tolu Ida) ne’ebé total osa ne’e iha iha $60.200 (Rihun Nen Nolu Atus Rua). Ne’ebe ami iha Ona Lista premeiru ne’ebé haruka mai ami hodi halo konfirmasaun ba dadus ne’e iha ne’ebá mós iha lista reklamasaun balun ne’ebé ami hatama ba depois ami konsege hetan husi MSSI ho montante osan ne’ebe maka hanesan ohin hau temi ona ne’e pas ho ami nia uma kain ne’ebe maka durante ne’e ami hatama ba iha Ministériu ESTATAL no Inkamina ba iha Ministériu Solidaridade Sosial no Inkluzaun”  Dehan Xefe Suku Fatubessi 12/12/2022.

Fatin hanesan Tuir Administrador Postu Maubisse Claudino Mendonça Kuntinua hatutan tan katak”

“Dadus Benefisiuariu husi Postu Administrativu Maubisse hanesan ohin hau mensiona katak Suku 9 Aldeia 62 ne’e bajeia ba dadus ne’ebé maka tinan kotuk nian ne’e fiksu ona la inklui ho sira ne’ebe maka forma uma kain foun tamba lista ne’e mai husi Nasional sira ne’ebe maka forma Uma Kain sei laiha atendementu tamba dadus ne’e bajeia ba dadus tuan tinan kotuk nian mai husi Nasional kedas no naran kompletu kedas iha lista ne’e. Ne’e maka ba sira ne’ebe maka forma Uma Kain Foun ne’e nia prosesu ne’e ita hein orientasaun husi MSSI no mós Ministériu Administrasaun Estatal (MAE)” Hateten Administrador Postu Maubisse Claudino Mendonça 12/12/2022.

Entertantu Benefisiuariu Husi Suku 9 no Aldeia 62 iha Postu Administrativu Maubisse  Hamutuk 6.148 (Rihun Nen Atus Ida Hát Nolu Resin Walu)  Ho Orsamentu Hamtuk Miliaun Ida resin.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments