Racom Maubisse (22/11/2022) Wilson Nivio Mendonça Xefe Suku Maubisse Villa hateten ida ne’e iha Surumutuk ba Preparasaun hodi Komemora Loron Proklamsaun Indepedensia, loron 28 fulan Novembru 2022 iha Postu Administrartivu Maubisse Munisípiu Ainaro.

“Ohin Maubisse hakarak hatudu ba sira katak ita laiha osan mós ita bele halo eventu bót sira ne’ebe maka hanesan Nasional halo. Tamba ida ne’e maka ita konvida mós Mídia sira tamba ne’e ita tenki partisipa hodi harame eventu ida ne’e hanesan mós iha Nasional, tamba ne’e ita konvida mós Inspektúr Seremonia ne’e mai husi Nasional. Liu husi aktividade sira hanesan ne’e ema mai observa katak ita bele, buat ne’ebe maka Munisípu labele halo Maubisse halo” Hateten Xefe Suku Maubisse Villa 22/11/2022.

Kona-ba  Komemorasaun Loron Proklamasaun Indepedensia ba Tinan ne’e Nasionalmente atu selebra iha Municipiu Ainaro Maibe la Konsege realija hodi Muda hikas ba iha Munisípiu Manatuto, ho ida ne’e tuir Lideransa Komunitáriu Suku Maubisse ne’e katak;

“Munisípiu Ainaro labele simu tamba ho ninia rajaun fasilidades, maibe sira la halo konsultasaun ho Postu 3 seluk. Katak se labele selebra iha Munisípiu Ainaro bele Mai iha Maubisse, se la halo iha Maubisse bele halo iha Hato- Builiku, se la halo iha Hato-Builiku bele halo iha Postu Administrativu Hato-Udo. Entaun sira soe fali ba Manatuto hau hanoin katak kondisaun Manatuto ho Maubisse labeda dók ida, maibe opurtunidade ida ne’e ema soe tia ba fatin seluk ne’ebé hau hanoin katak ita Maubisse dala ida tan ita hatudu katak ho aktividade 28 de Novembru ne’ebé maka ita halo iha ne’e ita sei hatudu ba Nasional katak ami Maubisse mós bele” Dehan Autoridade Komunitariu ne’e iha Surumutuk Preparasaun ba Komemorasaun Loron Proklamsaun Independesia loron 28 fulan Novembru ba dala 47 iha Maubisse loron 22/11/2022.

Orsamentu  hodi Komemora loron Importante ne’e iha Maubisse ho nia total Orsamentu Dolares $2.590.

Jornalista                     Moises da Silva Magno

Editór                          Joaquim de Fátima Coutinho