Racom Maubisse (18/11/2022) Sekretariu Estadu Formasaun Profesional no Empregu (SEFOPE), Alarico de Rosario akompaña husi Direktur Formasaun Profesional no Empregu, Direktur Sentru Formasaun Tibar, Direktur SEFOPE Municipiu Ainaro Hamutuk ho Amu Pároko Maubisse, Autoridade Lokal no Komunidade Maubisse lansa fatuk dahuluk ba Konstrusaun Sentru Turizmu Komunitariu iha Iha Hato-Lululi Suku Maubisse Villa Munisípiu Ainaro.

Iha lanasamentu Administradór Postu Administrativu Maubisse Claudino Mendonça hateten, antes realija lansamentu ida ne’e maibe liu husi prosesu ne’ebé maka naruk tebes, tamba ne’e Autoridade Postu ne’e agradese ba Governu liu husi Sekretaria Formasaun Profesional no Empregu (SEFOPE).

“Ita nia prsesu ne’e naruk maibe ohin ne’e iha rejultadu, ne’ebe ami agradese ba Sekretariu Estadu  SEFOPE Direktur Geral  Nasionais sira hotu ne’ebe ohin ita hamutuk ih ne’e. Hanesan ohin ita rona rasik Deklarasaun husi Nain ba rai ida ne’e hanesan juramentu ida katak, fó ho neon fó ho laran para ita konstroi Sentru Formsaun ida ne’e hodi halo atendementu Públiku ba ita nia Joven sira ne’ebé maka laiha kbít hodi kuntinua ba Universidade” Dehan Administradór Postu Maubisse 18/11/2022.

Autoridade Postu ne’e Kuntinua fundamenta liu tan katak, antes ne’e Sentru Formasaun refere atu harí iha Flecha Suku Aituto maibe la konsege realija tamba tamba probleam rai, Tamba ne’e hamutuk ho Xefe Suku Maubisse Villa no Komunidade sira disidi tau Sentru ida ne’e iha Area Hatu-Luli balija entre Suku Maubisse Villa ho Suku Horaiquik Maubisse Munisípiu Ainaro.

“Momentu ami iha Flecha ne’ebá ne’e sei kolia namans hela Grupu ida mai duni ami hodi dehan diak liu lalikan kolia barak tan fila ona ami hein maka Timor Plaza mai para dezemvolve Flecha ne’e para fó servisu mai ami, tmba Timor Plaza halo promesa ba sira katak sei rekruta traballadór hodi servisu iha Flecha” Hateten Claudino Mendonça 18/11/2022.

Ligado ho ida ne’e iha Diskrsu Sekretariu Estadu Formasaun Profesional no Empregu (SEFOPE) Alarico de Rosario hateten;

“Lolos ne’e iha 2019 -2020 tau tia ona Flecha Tutun tamba ho rajaun maluk sira hanoin katak buat ne’e Projetu mai buka osan entaun fulan ba dadauk loron ba dadaun Orsamentu ejekuta hotu ona prontu disidi osan ne’e duke ba fali konfre Estadu diak liu lori ba tia Viqueque. Tamba ne’e hodi ba halo tia be manas be lulik iha Viqueque Premeiru Ministru maka ba Inagoura. Hau túr-túr hanoin ba ema nia rai hau halo netik buat ruma ba hau nian ne’e hau sei la halo buat ida, tamba ne’e ba Direktur Programa hau dehan bele halo tan proposta ida kona-ba Flecha Tutun, lori mai tó Flecha Tututn Autoridade Lokal sira barak maka hakarak, Komunidade Hakarak, maibe tó ikus iha ema nain ha’at 5 ou 6 ida ho sira nia emosional ema seluk tau lia la konsege tau iha Flecha Tutun. La Kleur Admnistradór Postu ho Xefe Suku Maubisse Telefoni tama hodi dehan katak Flecha Tututn maka la jadi Maibe Maubisse Prontu atu simu hanesan ohin Administradór Postu Kolia” Deklara Governante ne’e Liu Husi nia Diskursu ba Lansamentu Fatuk dahuluk Konstrusaun Sentru Formasaun Komunitariu iha Area Suku Maubisse Villa loron 18/11/2022.

Tamba ne’e nia Agradese  no apresia ba Komunidade Suku Maubisse Villa nia Konstribuisaun hodi oferese rai no fatin hodi Konstroi Sentru Formasaun Turizmu Komunitariu ida ne’e iha Postu Administrativu Maubisse Municipiu Ainaro.

“Hua orgullu tebes no agradese ba ita bót  sira hotu bele kópera no apoiu hau, programa ida ne’e hau lori mai iha ita hotu nia lét ita hotu senti iha futuru oin mai. Lansamentu premeira Pedra ba Sentru Formasaun Komunitariu. Maluk sira hau agradese no orgullu tebes ba rai nain katak ida ne’e duni maka ita hein atu hateten deit ba maluk sira rai ida kuandu  ita fán  ita sei han mohu tia iha loron ida, loron ida ita nia oan sira sei sai bainaka ba ema seluk . Maibe kuandu ita loke formasaun ida ne’e ba sentru Komunitaria iha Maubisse katak otas ida ba otas ida, dalas ida ba dalas ida ita nia oan sira sei aproveita Sentru ida ne’e. Ita Espera ema kolia bar-barak atu loke Hotel iha Ramelau, Flecha Tututn atu rekruta ema 200, alin sira  sei ita bót sira la tuir formasaun Hotel atu simu imi   200 iha ne’ebá? Tamba saida maka hau kolia hanesan ne’e ema sei husu ita bót sira tenki tuir formasaun hetan Sertifikadu Hospitalidade hotel atu tama iha ne’ebá tenki hatene lulun Toalla oan sira ne’e tenki hatene, hias kama oan sira ne’e tenki hatene, Hamos Uma laran tenki hatene, Simu Bainaka tenki hatene tamba ida ne’e maka hau lori buat ida ne’e mai tau iha ne’e” Fundamenta Sekretariu Estadu Formasaun Profesional no Emoregu iha Hato-Luli Maubisse Liu husi deskursu Lansamentu Fatuk daluk ba Konstrusaun Sentru Formasaun Komunitaria loron 18.11.2022.

Jornalista                     Moises da Silva Magno

Editór                          Joaquim de Fátima Coutinho