Racom Maubisse (22/11/2022) Administradór Postu Maubisse Tersa feira foin lalais ne’e halao enkontru ho Autoridade Komunitária husi Suku 9 no Funsionariu liñas Ministériais ne’ebe maka situada iha Postu Administrativu Maubisse Munisípiu Ainaro.

Objetivu husi Surumutuk  ne’ebe maka halao iha Salaun Paroquial Maubisse ne’e kolia kona-ba Preparasaun ba Komemorasaun Loron Proklamasaun Indepdensia Loron 28 fulan Novembru 1975 ba dala 47.

Ba Xefe Suku nain 9  Administadór Postu Maubisse Claudino Mendonça hateten,  husu ba Xefe Suku nain 9 iha Maubisse atu mobilija Komunidade sira mai partisipa hodi fó ondra ba Loron imprtante ne’e iha Kampu Kamlai Maubisse.

“Husu ba Xefe Suku sira Organiza Komunidade sira mai partisipa, no Organiza Morodores sira mai iha dia 27 para formadór Sr. Nelson sei fó treinu ba sira pois kalan toba iha ne’e para dader ita hodi halao Seremonia Isar Bandeira ne’e ita organiza malun hodi partisipa” Tenik Administrador Postu Claudino Mendonça 22/11/2022.

Autoridade másimu Postu Administrativu Maubisse ne’e apela mós ba Komunidade iha Maubisse no komunidade sira ne’ebe maka hela iha Suku no Aldeia atu Hasa’e Bandeira Nasional RDTL iha idak-idak nia Uma oin.

“Tempu Indonesia nian ema hakás ita iha dapur no fahi luhan mós ita hasa’e hotu Bandeira ita la haluhan, maibe ohin loron loron ita nian rasik ita haluhan tia. Tamba ne’e husu ema idak-idak atu hasa’e Bandeira Nasional RDTL” Husu Claudino Mendonça ba Komunidade Postu Administrativu Maubisse loron 22/11/2022.

Entertantu Aktividade ba Komemorasaun Loron Proklamsaun Indepedensia iha Maubisse maka hanesan, Jogu Footsal Voly, Halai Maratona, no Dada Tali.

Orsamentu  hodi Komemora loron Importante ne’e iha Maubisse ho nia total Orsamentu Dolares $2.590.

Jornalista                     Moises da Silva Magno

Editór                          Joaquim de Fátima Coutinho