Ekipa Ministeriu Saude ho Ekipa Organizasaun Caritas Australia Tama Sai Uma Iha Suku Casa Ainaro Hodi Halao Screening Ba Moras TBC

0
88 views

Racom Maubisse, Quinta-feira, 24-11-2022, Ekipa husi Ministéru Saúde servisu hamutuk ho organizasaun naun gorvermentál Caritas Australia hala’o teste screening ba moras tuberculoze iha suku Casa, Postu Administrativu Ainaro Vila, Munisípiu Ainaro.

Ba Radio Komunidade Maubisse Mauloko, Ko’ordenadór programa caritas Australia, Justunho da Costa Lopes informa haktuir katak;

“Objetivu hosi atividade ne’e atu halo ezame saúde ba pasiente TBC sira atu nune’e labele hada’et tan moras ne’e ba ema seluk”.

Justunho afirma liu tan katak, obstaklu ka preokupasaun ne’ebe ami iha mak komunidade sira barak ladun koopera;

“Preokupasaun ne’ebé durante hala’o atividades iha Suku Casa mak komunidade barak la ko’opera ho Ami, maibé ekipa nafatin buka meius hodi esplika objetivu husi teste screening ne’e”.

Enteratu atividade screening ba moras TBC iha suku Casa, ekipa tama sai uma fahe mós fatin ba tafui mear tasak, hamutuk hitu nulu resin ba komunidade sira ne’ebé moras me’ar, nune’e ekipa sira bele rekolla hodi ba halo teste iha laboratóriu.

Jornalisata           Natalino Mendonca

Editor                    Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments