Racom Maubisse (19/11/2022)    Vise Prezidente Asosiasaun Veteranos Munisípiu Ainaro, no mós Membru Konsellu Veteranos Munisípiu Ainaro Sebastião Castro Pereita “KAKATUA” hateten ida ne’e ba Jornalista Radiu Komunidade Maubisse Mau-Loko iha nia rezidensia Aldeia Talifelu Suku Edi Postu Administrativu Maubisse Munisípiu Ainaro.

Alende hasa’e Bandeira Vise Sekretariu Zona Postu Maubisse ne’e Husu mós ba Vetranos ne’ebé maka iha ona Farda katak tenki hatais Uniforme hodi partisipa iha Loron Proklamasaun Indepedensia 28 de Novemru 2022, no Loron Nasional sira Seluk tan.

“Husu ba Povu hotu ne’ebé maka moris iha Postu Maubisse Munisípiu Ainaro atu hasa’e Bandeira iha idak-idak nia uma oin. Husu ba Vetranos sira iha Postu Maubisse  husu ita bót sira nia partisipasaun iha 28 Novembru ne’ebe sei monu iha Segunda oin mai, hakarak ou lakohi tenki paertisipa loron 28 de Novembru loron ida espesial ba Timor se laiha 28 de Novembru Timor ne’e Labale Ukun-an. Tamba 28 de Novembru ne’e ita rekuiñese iha Funu no iha susar no terus nia laran. Se maka Suku ona Farda ne’ebe maka Konsellu Ainaro haruka Suku ona halo favor hatais hanesan tinan ida ou rua liu ba ” Hateten Vise Prezidente Asosiasaun Veteranos Munisípiu Ainaro iha nia Rezidensia Aldeia Talifelu Suku Edi Maubisse loron 19/11/2022.

Nia Kuntinua Apela mós ba Funsionariu sira iha Postu Administrativu Maubisse katak;

“Husu ba Administrador Postu Maubisse ho Autoridade Edukasaun sira iha Maubisse, liu-liu ba Funsionariu tomak hanesan Veteranu ida nia observasaun iha Postu Maubisse Funsionariu sira maioria maka la tuir iha seremonia hasa’e Bandeira  hau la hatene tamba saida Funsionariu Maubisse ne’e besik Rihun Rua Resin tamba sa maka la mai tuir loron bót sira hanesan ne’e  hakarak ou lakohi ita tenki partisipa tamba iha loron hirak ne’e maka ita hodi hetan Funsionariu no sai ema ne’ebé bele hatan osan iha momentu sira hanesan ne’e, tamba hau rekomenda ida ne’e ba Nai Ulun sira liu-liu ba sira ne’ebé servisu iha Govenasaun”

Entertantu Komemorasaun Loron Proklamasaun Unilateral Indepedensia Repúblika Demokrátika Timor Leste (RDTL) Sei Monu iha Segunda.

No Tuir Planu ne’ebe maka Administrador Maubisse hamutuk ho Xefe Suku Maubisse Villa disidi ona katak Komemorasaun 28 de Novembru ba Tinan ida ne’e Sei selebra iha Kamlai Maubisse tamba iha Prasa Maubisse fatin la sufisiente hodi akumula Komunidade husi suku 9. Tamba ne’e ba oras ne’e dadaun liu husi Programa Mão de Obra Komunidade hadia ona fatin iha Kamlai Maubisse.

Jornalista                     Moises da Silva Magno

Editór                          Joaquim de Fátima Coutinho