Racom maubisse, 27/11/2022 Hanesan Aman Faluk Antonio Sarmentu haktuir “Idade La Sai Sasukat Ho Unuk Mutin Ne’ebe Hafalun Ona Ha’u Iha Hanesan Iha Daudaun” Maibe nafatin Esforsu-an Hakiak Fahi Hodi Sustenta Familia no selu oan sira nia escola, basa moris hanesan humanu la facil hanesan saida mak kada ema ka grupo iha moris loron loron sente iha mundo actual, maibe moris ne’e precise esforsuan hodi bele atinji objektivu ba moris ne’e rasik.

Bainhira atu sustenta moris ne’e la hare ba idade ka la hare mos ba matenek e beik, riku e kiak, maibe durante sei moris no halao hela pregrinasaun iha mundu actual, hakarak lakohi kada ema tenke esforsuan nune’e bele sustenta moris ne’e. basa moris la facil hanesan ema fila liman tanen, tamba moris ne’e graca ida e mos moris ne’e ilhas Na’I maromak nian, tamba ne’e uja moris ne’e ho diak nakonu ho responsabilidade nune’e moris ne’e bele iha valor, iha familia sociedade no nasaun.

Relasiona ho moris ne’ebe kada ema iha, biban le’et tuir mai Faluk Antonio ho idade 70 anus hetan vijita husi Jornalista Radio Komunidade maubisse mauloko, hodi halo intervista ida konaba lalaok moris Avo Antonio Sarmento ne’ebe oras ne’e dadaun hela iha Aldeia Belumahatu, Suco Madabenu, Posto Administrativo Aileu Villa, ne’ebe hakiak fahi ho objektivu fan hodi ajuda necidade familia uma laran no selu oan sira nia escola.

Iha Intervista ba Jornalista Radio Komunidade Maubisse Mauloko, Faluk Antonio Sarmentu haktuir katak;

“Ha’u iha ona idade 70 anus, hau nia forsa menus ona atu kaer sasan todan sira, maibe se ita laiha ona forsa tur deit sente la diak, tamba se mak atu lori osan ka hahan mai fo ita lor loron, tamba ne’e mak maske hau katuas ona hau (Avo Antonio) buka meus oinsa bele sosa fahi ho osan terseira idade ne’ebe ha’u simu hodi hakiak, nune’e bele ajuda sosa fos, mina baa mi nomos selu hau nia oan feto ida ne’ebe sei escolar hela”.

Husu konaba Faluk Avo Antonio oras ne’e dadaun hela ho sese mak iha Uma ne’ebe simples iha Aldeia Belumahatu, katuas fuk mutin ho idade 70 anus ne’e responde;

“Iha Ne’e hau ho deit oan feto ida mak hela iha ne’e maibe nia hela iha sorin ne’eba depois ni mai vizita hau, lori hahan mai ha’u han, se nia la iha servisu ruma nia mai halimar ho ha’u iha ne’e fo han fahi sira ne’e, nomos ha’u nia oan feto ne’e ajuda buka fahi nian mai fo han fahi sira ne’e”.

Entretantu Faluk Avo Antino Salienta liu tan katak;

“ Ano ita tenke esforsuan nune’e bele hadia ita nia moris, se la esforsuan ne’e susar tamba ema seluk lori mai fo ita dala ida, bebeik fali mos ema la gosta ita ida, maske oan rasik mos, sira sei hirus ita tamba sira nia oan mos barak, lia moris lia mate, e mos sira nia oan escolar tan, ne’e susar tebes, tamba ne’e maske hau idade boot ona, fuk mutin no forsa menus ona mas hau nafatin esforsuan hodi hakiak fahi nune’e bele sustenta ha’u nia moris”.

Tamba ne’e Avo Antonio ne’ebe fuk mutin ona, isin krekas tamba ho idade ne’ebe bo’ot ona, husu ba governu atu hadia mak Estrada, dada ahi ba komunidade nia uma, kanaliza be mos ba komunidade nia uma, nun’e bele facilita sira ba merkadu hodi fan sira nia produtu local.

Komunidade sira nia moris iha kada lidun ka knua depende ba sira nia produtu local, nomos animal sira ne’ebe mak sira hakiak, hanesan fahi, kuda, karau, bibi no manu, nune’e sira fan hodi bele ajuda dezemvolve sira nia moris iha moris lor loron, tantu iha familia nomos sociedade, kna’ar no responsabilidade governu nian mak buka meus hadia Estrada rural sira, kanaliza be mos no dada eletricidade ba sira nia uma nune’e bele tulun sira iha halao aktividade lor loron. Ida ne’e mak preokupasaun komunidade sira nian, iha sira nia hela fatin.

Hein katak governu bele facilita komunidade sira liu husi hadia Estrada, kanaliza be mos no dada ahi eletricidade ba komunidade nia uma, tamba komunidade ka povu iha mak governu no estadu existe.

Jornalista             Joaquim Coutinho

Editor                    Racom Maubisse