Racom Maubisse (27/11/2022) Uniaun Estudante Postu Maubisse (UEPAMA) tó iha Maubisse hodi partisipa iha Komemorasaun Loron Proklamasaun Independesia 28 fulan Novembru ba dala 47 iha Prasa Maubisse Munisípiu Ainaro.

Wainhira Estudante hirak ne’e tó iha Maubisse Villa sira hahu kedan ho lao ain akompaña lori ho Bandeira Nasional RDTL husi balija Urahou to iha  fatin komemorasaun nian, iha Prasa de Maubisse, ne’ebe simu direita husi Administrador Postu Administrativu Maubisse Claudino Mendonça.

Hafoin simu Estudante hirak ne’e iha Iha Prasa Restaurasaun Maubisse Administrador husu ba estudante atu kuntinua relembra nafatin  Istória Luta ba Libertasaun Nasional, basa Joven maka sai hanesan transformador no rin ba Nasaun.

“Ita hirak Joven hanesan ne’e, ita maka hanesan kuntinuador hodi hatutan sira nia prinsipiu Luta durante tinan 24. Ne’ebe dala ida tan atu dehan ba ita bót sira katak, joven maka sai hanesan Ai-Rin ba Nasaun e futuru Nasaun nian ne’ebé bemvindu ba ita bót sira aban ita hamutuk festeja ita nia loron Nasional ida ne’e iha Maubisse” Dehan Administrador Postu Maubisse 27/11/2022.

Fatin hanesan Reprejenta UEPAMA (Uniaun Estudante Postu Maubisse) hateten UEPAMA Prontu Kópera ho Autoridade Lokal, no Komunidade Maubisse hodi Komemora Loron Nasional Aniversariu  Proklamsaun Unilateral ba dala 47 iha Maubisse Munisípiu Ainaro.

“Ohin Ami husi UEPAMA senti orgullu tebes ami mai ho kareta tun iha leten no ami marsa tun husi balija mai, hodi hanoin hikas fila fali  ita nia Heroi sira ne’ebé luta, tamba sira ne’ebe luta ba rai ida ne’e laos sira sae kareta maibe lao deit. Tamba ne’e ohin ami nia marsa ne’e hanesan sentidu kondelensia ida ba ita nia Heroi sira ne’ebe mate ba rai ida ne’e. Ne’ebé aktividade hotu iha ne’e UEPAMA prontu atu apoiu iha aban no ohin” Dehan Estudante Husi UEPAMA iha Parasa Maubisse 27/11/2022

Jornalista                     Moises da Silva Magno

Editór                          Joaquim de Fátima Coutinho