Racom Maubisse (10/11/2022) Padre Francisco Soares Fernandes Aktual Pároko Igreja Nosa Senhora da Grasa Hato-Builiku Municipiu Ainaro Haklaken lia hirak ne’e, hafoin de halao Selebrasaun Missa ba Matebian Mestre Carlos de Araújo iha Kapela Santo Cristovão Maulahulo loron 10 fulan ne’e.
Nai Lulik ne’e hateten;
“Bele ga Lae Maulahulo Sira? Favor ida familia sira iha liur ne’eba lalikan suporta fali hodi dehan lalikan dame malu ne’e labele. Imi ba eskola iha liur matenek, buka servisu iha liur imi iha osan imi suporta imi nia maluk iha ne’e atu lalikan dame malu ne’e imi laos sai Sinal Domin Nian, maibe imi Sai Sinal Traisaun Ninian, ne’ebe iha problema ruma, difikuldade ruma imi lalika moe hanesan alin hanesan maun mai ható labele nonok deit” Haklaken Pe. Francisco Sores Fernandes ba Sarani sira iha Maulahulo Hato-Builiku Municipiu Ainaro 10/11/2022.
Tamba ne’e Nai Lulik ne’e Agradese ba Partisipasaun Husi Familia Matebian Mestre Carlos de Araújo, iha Missa antes halot Matebian iha fatin deskansa ikus nian.
“Familia sira mai barak ne’e agradese parabens ba imi, ita ba partisipa iha Missa laos dehan hau nia Maun ka hau nia Tiun maka mate maka hau ba, maibe ita iha estasaun ida komunidade ida hanesan ne’e ita presija familia tamba mate maka bolu ita laos familia maka bolu ita” Dehan Nai Lulik ne’e iha Maulahulo 10/11/2022.
Hafoin de Missa Familia hamutuk ho Amu Selebrante Nain rua Lori Saundosu ba Halot iha Fatin deskansa Ikus nian Iha Simitériu Maulahulo Suku Mulo Hato-builiku Municipiu Ainaro.
Jornalista Moises da Silva Magno
Editór Joaquim de Fátima Coutinho
