Racom Maubisse (10/11/2022) “Seidauk tó tan tinan iha Municipiu Ainaro Lakom ema Nain tolu ema edukadór, ema ne’ebé forma ema hodi serbi ba Nasaun, ne’ebe husi Municipiu ami senti tristeza bót ba Ida ne’e” Hateten Reprejentante Servisu Edukasaun Municipiu Ainaro, Manuel Pereira Hafoin halao Selebrasaun Missa ba Halot Matebian Mestre Carlos de Araújo iha Kapela Maulahulo Postu Administrativu Hato-Builiku Municipiu Ainaro 10/11/2022.
Nia Hateten Maske ita hotu nia hakarak buat ketak ida, maibe Maromak nia Hakarak ne’e Buat Seluk ida.
“Ita hotu nia kakarak ne’e buat ketak ida maibe Nai Maromak nia hakarak ne’e buat seluk ida. Ne’ebé planu sira hotu laos ita maka halo maibe planu Nai Maromak nian, tamba ne’e ita labele hela ho Triteza ita reza hamutuk ba ita nia maluk Matebian sira ne’ebé maka Aman Maromak Bolu ona ba bele hetan salvasaun ne’ebé diak hamutuk ho Maromak hodi bele haraik fali Espiritu Tulun no Bensaun Mai ita. Liu-liu ba estudante sira ne’ebe maka túr iha Banku eskola labele desanima tenki estuda makás para aban bairua bele sai fali Professor diak balun hanesan Sr. Carlor, Sr. Julio no mós Professora Mena iha Keorema , hodi núne’e alkansa nafatin ita nia objetivu. Luta nafatin hodi bele halo dezemvolvementu diak ba iha ita nia Nasaun Liu-liu ita nia Postu no ita nia Municipiu” Hateten Eis Inspektur Eskolar Postu Hato-Builiku ne’e iha Maulahulo 10/11/2022.
Ba Familia Matebian Nia Kuntinua husu;
“Saudosu Carlos, Julio nia mate hau telfoni kedan ba Ainaro Maibe Suprentendente ho Direktur sira prokupa hela iha iha Dili hodi tuir hela enkontru balun iha ne’ebá. Hau husu ba familia Irmaun Carlos ninian komesa semana oin sira ne’e tenki ba trata lalais ninia dukumentu sira hodi trata ninia osan ba fulan 3 nian maske Servisu tinan barak maibe tó ninia mate ne’e maka simu Salariu fulan 3 oan ne’e deit, ate agora estadu seidauk regula lei balun hodi kolia kona ba ida ne’e nian, ne’ebé ida ne’e maka hakarak ható hela ba ita bót sira iha momentu ida ne’e” Hameno Manuel Pereira ba Familia Matebian Mestre Carlos de Araújo iha Maulahulo 10/11/2022.
Entretantu Matebian Carlos de Araújo moris iha Loron 04 fulan Abril 1982, Hanesan Manorin Nain iha Eskola Katólika Santo Inacio de Loyola Maubisse, termina ninia Provisaun no Viagen moris nian iha Rai ida ne’e iha Loron 08 fulan Novembru 2022, Husik hela Fen Kaben ho Oan Nain rua Feto ida no Mane ida.
Jornalista Moises da Silva Magno
Editór Joaquim de Fátima Coutinho
