Racom Maubisse (16/10/2022)  Prezidensia Autoridade Municipiu Bobonaro Ernesto de Oliveira Barreto ható ida ne’e ba Jornalista Sira iha loron 16/10/2022, wainhira partisipa iha lansamentu Loron Nasional Liberdade Imprensa, no lansa fatuk dahuluk ba monumentu Liberdade iha Postu Administrativu Balibo Municipiu Bobonaro.

“Jornalista Timor-Oan sira Imi nia papel hanesan Jornalista impotante tebes hasoru situasaun oi-oin iha tempu diak no tempu difisil. Partikularmente iha ita nia rain ne’ebe maka foin hahú nia dezemvolvementu Mídia nia papel imortante bele fó informasaun ne’ebe klaru no lolos ba públiku ba Komunidade sira iha area rurais, katak Governu halo programa oi-oin iha Suku no Aldeia laran iha Municipiu Bobonaro imi nia matenek no badaen maka ema hotu no públiku hotu bele asesu ba informasaun tantu iha rai laran no mós rai liur” Dehan Autoridade másimu Municipiu Bobonaru iha Postu Administrativu Balibo 16/10/2022.

Tamba ne’e Prezidente Autoridade ne’e Kuntinua afirma liu tan katak;

“Sei esforsu nafatin hodi servisu hamutuk ho Governu Sentral hodi haré dezemvolvementu sira iha area Istóriku sira hanesan Balibo. Bele halo dezemvolvementu ba fatin istóriku sai fatin turístiku ida ne’ebe furak hodi bele atrai Turista Internasional no Nasional mai vizita iha Municipiu Bobonaro, ho núne’e bele fó ekonomia rendimentu ba ita nia populasaun no tasa ba ita nia Municipiu, hodi hatúr nafatin sira nain 5 nia obra iha ita nia rain Timor Leste” Hatutan Prezidente autoridade Municipiu Bobobnaro 16/10/2022.

Jornalista                     Joaquim de Fátima Coutinho

Editór                          Moises da Silva Magno