Sasin Moris Francisco da Costa Pereira “Jornalista Timor Oan Kontinua Luta Ba Lia Lós no Liberdade”
Racom Maubisse (16/10/2022) Balibo, nu’udar sidade Ki’ik ida no cidade ne’ebe dok tebes husu capital nasaun Timor Leste nian, Balibo cidade ba liberdade, Balibo hanesan Posto Administrativo ida ne’ebe hamahan-an iha Municipiu Bobonaro, Distansia Cidade Balibo besik 10 quilômetros fronteira ho indonézia. Rights Watch kalkula katak 70% husi sidade neʼebe destrui durante violénsia hafoin votasaun timoroan hili independênsia.
Cidade Ki’ik Balibo besik rai ketan rai rua nian, Timor Leste ho Indonesia, Cidade Ki’ik Balibo besik portaun bo’ot rai rua nian, iha komemorasaun trajedia Balibo V ba dala 47, Konselho de Imprensa Timor Leste Konvida mos sasin moris ida husi sasin moris sira seluk, mai hola parte iha serimonia lansamentu Balibo hanesan cidade liberdade nomos tau fatuk dahuluk ba Monumentu Cidade Liberdade ne’ebe halao iha dia 16 de Outubro, 2022.
Iha intervensaun Sasin Moris Francisco da Costa Pereira haktuir katak tambasa mak liu tiha tinan 47 bele sama hikas fali fatin ne’ebe uluk Sr. Francisco ho Ramos Horta tula Jornalista sira husi dili mai halo kobertura iha Balibo, Sasin Moris Francisco da Costa Pereira haktuir
“Antes ne’e Konselho da Imprensa ba halo intervista ho ha’u iha ha’u nia Knua Bahamori Venilale, bainhira intervista hotu ha’u rasik maka husu ba ekipa Konsellu da Imprensa karik, atu halo eventu ruma iha Balibo se bele konvida mós ha’u atu ba partisipa, Grasas de Deus ohin loron halo duni eventu lansamentu ba Liberdade da Imprensa iha Balibo núne’e ha’u mós bele tó iha Balibo hodi partisipa, tamba ne’e dala ida tan hau agradese ba Konsellu Imprensa” Dehan Sasin Moris ba Jornalista nain 5 nia mate iha Trajedia Balibo tinan 1975 Pai Francisco 16/10/2022.
Sasin Moris Francisco da Costa Pereira haktuir liutan Kona-ba Trajedia iha Balibo katak;
“Iha Tinan 1975 ha’u hetan orientasaun husi CCF hodi tula Jornalista sira mai iha Balibo, momentu ne’ebá hau ho Sr. Ramos Horta lori duni ho Jornalista sira mai iha Balibo atu halo kobertura iha Fronteira, tamba momentu ne’ebá Inimigu tama ona iha Batugade, ami iha ekipa rua maka lao hamutuk ida maka hau ho Sr. Ramos Horta, no ekipa seluk maka Sr.Mauk Moruk ho ha’u nia kolega ida naran Matias de Jesus, ami konsege tula Jornalista sira tó iha Balibo”.
Sasin Moris Francisco da Costa Pereira hatutan liu tan;Mesmu ke sira nain lima laiha ona, husu ba Jornalista kuntinua luta ba Liberdade da Imprensa tuir sira nia didikasaun no profisaun hodi ható lia los tamba lia los sei la mate. Ikus liu parabens ba loron Liberdade da Imprensa parabensa ba Jornalista sira hotu, espera loron ida ne’e sai hanesan loron ida importante ba Jornalista sira tamba hodi sira nia sakrefisiu maka ohin loron ita bele hamutuk iha ne’e hodi komemora loron Liberdade da Imprensa Obrigadu” Haktuir Sasin Moris ne’e iha Balibo Municipiu Bobonaro 16/10/2022.
Istoria trajédia jornalista nain lima (5) mate iha Balibo labele lakon iha jerasaun foun sira nia matan no responsabilidade, nafatin kaer metin liberdade no lia los hodi hakat ba oin.
Entertantu Jornalista Nain 5 ne’ebé maka mate iha Balibo Five maka Greg Shaxkloten, Tony Stewart, Gary Cunninghan, Brian Peters, no Malcon Rennie.
Jornalista Joaquim de Fátima Coutinho
Editór Moises da Silva Magno
