Racom Maubisse, 24-08-2022, Ukun rasik-an kuaze tinan 20 ona mak Timor Leste hakat liu ona, no objektivu husiukunrasik-an ne’e rasik mak atu hasai povu husikiak no mukit, maibe tinan 20 ona komunidade balun hetan ona beneficiu ba be mos, eletricidade no estrada, maibe komunidade balun mak seidauk asesu b aba be mos, eletricidade no Estrada, relasiona ho situasaun ne’ebe hanesan mensiona, Komunidade iha Postu Hato-Udu kuaze 50% mak seidauk asesu ba roman eletrisidade.
Ba Radio Komunidade Maubisse Mauloko, Ofisial Guvernu Lokal Postu Administrativu Hato-Udu, Segres Jelino Tilman informa hateten katak;
“Posto Hato-Udo durante ukun-an too ohin loron, komunidade barak mak seidauk asesu ba liña eletrisidade, e laos linha eletricidade deit maibe mos Estrada no be mos, no komunidade ne’ebe seidauk asesu ba liña eletrisidade mak hanesan aldeia Goulau, Bonuk no aldeia Bobe”.
Segres Jelino Tilman hahutan liu tan katak;
“Perkupasaun seluk ne’ebe komunidade hasoru mak hanesan bee mos, tanba durante ne’e komunidade uza deit be posu, maibe iha tempu bailoro komunidade sempre halerik ba be mos, tamba be matan hanesan posu sira mos maran, sira tenke ba buka be mos iha mota ho distansia ne’ebe dok, tamba ne’e husu ba governu atu tau atensaun lalais”.
Entretantu ligadu ho perkupasaun konaba be mos, Estrada no eletricidade ne’ebe komunidade infrenta, Servisu Ofisial Guvernu Lokal Postu Administrativu Hato-Udu, hamutuk ho atoridade suku rua halo ona proposta no submete ona ba munisipiu no nasional, maibe seidauk hetan resposta.
Jornalista Moises Magno
Editor Joaquim Coutinho
