Racom Maubisse (21/07/2022) Kinta feira loron 21 fulan Jullu foin lalais marka Istória foun ba Sarani Suku Maulau Postu Administrativu Maubisse Municipiu Ainaro, Liu husi Bensaun  ba Kalepa Santa Clara de Assis Lumululi husi Cadiál no Archebispu Metropolitana de Dili Dom Virgilio do Carmo da Silva SDB.

Hafoin de Koa Fita no Haraik Bensaun ba Kapela iha Lumluli Suku Maulau iha Selebrasaun Missa ne’ebe Presidi husi Sua Emenênsia Cardeál  no Archebispu Metropitana de Dili Dom Virgilio do Carmo da Silva SDB iha Homilia hateten;

“Ohin ita halo istória fó hanoin mai ita katak loron ida ohin ne’e, loron especial ba sarani Maulau liu-liu Lumluli marka ho eventu rua hanesan ita rona primeiru mak ita ohin inaugura ita nia Kapela,  kuandu ita tún husi ne’eba ita hateke mai Capela furak, kapas hamrík iha foho hun parabens ba iha sarani Lumluli. Kapela fatin atu hasoru malu ho Maromak iha Capela ita rona Maromak nia liafuan husi fatin ne’ebé ha’u hamrík, Tan ne’e Kapela ba ita sarani ne’e fatin atu rona Maromak nia liafuan, fatin atu harohan, fatin atu rona, hakmatek,  iha fatin ida ne’e mak ita bele lori ita nia problema iha uma, problema familia, problema oi-oin ne’ebé ita hasoru mai iha ne’e ita hasa’e ba Maromak atu husu ba Maromak haraik mai ita matak malirin iha fatin ida ne’e mak ita hasa’e ba Maromak iha fatin ne’e mós mak ita simu Maromak nia liafuan ne’ebé ita koalia Kristu nia futar isin ne’ebé ita simu iha Eucaristia ne’e liu hosi Ostia Consagrada ne’e hatudu saida ba ita? Maromak ne’ebé halo an ba mane Maromak ne’ebé uluk ita nia bei-ala sira la koñese profeta sira haklaken de’it, Maibé Maromak ida ikus mai hatuun nia aan iha ida ne’ebé mai naran ita Na’I Jesus Kristu, Jesus ne’e Maromak ne’ebé halo an moris iha ita nia let incarnasaun sai ida hanesan ita hodi moris hanesan ita ikus mai nia terus to mate iha ita let hodi fó mai ita ninia isin sai nu’udar aihan ba ita ema sarani tan ne’e mak Nia dehan “Sé mak han Ha’u Nia Isin no hemu Ha’u Nia Ran nia sei moris ba nafatin” isin fila fali ba rai maibé Klamar Moris” Homilia Amu Bispu iha Kapela Lumluli Maulau 21/07/2022.

Kapela Santa Clara de Assis Lumululi Suku Maulau Kosrtroi husi Sarani Sira no hatan Tulun husi Komapañia Bos Key.

Tamba ne’e Nai Bispu ható Parabens ba Sarani Lumuli Suku Maulau Inklui Kompañia Bos Key ne’ebe Ajuda ona hodi Konstroi Uma Orasaun ba Sarani Lumululi Suku Maulau Postu Administrativu Maubisse Municipiu Ainaro.

” Tan ne’e ha’u fó Parabens ba sarani Lumluli ohin ita bele harí ita nia Kapela, parabens liu tan ba iha Emprezariu ne’ebé ha’u hatene katak nia atu hasa’i nia osan extra oitoan hodi halo Kapela ne’e mós ida ne’e nia ba hanoin didiak hanoin katak la halo saugati de’it, maibé nia hanoin ida ne’e folin liu investimentu ida ne’ebé bo’ot liu la’os hatama osan iha Banku Mandiri  atu osan ne’e funan liu maibé nia enveste   ba Maromak ninia reinu, Kapela ne’ebé nia hari iha ne’e atu  lori sarani Lumluli ne’e atu besik liu tan ba Maromak. Ida ne’e fó hanoin nafatin katak ita ema la’os de’it moris tanba osan maibé iha buat ruma ne’ebé bo’ot liu tan, ne’e duni parabens, agradese ba iha Señor Empresário ne’ebé tulun ona uma Kreda, tulun Paroquia, tulun ona Arquio Diocese Díli hodi halo Kapela ne’e ba sarani sira iha Lumluli” tanba ita hein de’it Diocese ha’u  tenki rekoñese katak seidauk katak Lumluli ohin loron seidauk bele iha Kapela, maibé tanba Emprezário nia fuan bo’ot iha fiar ba Maromak nia hatene katak nia halo Kapela ne’e la’os atu lakon maibé nia fiar katak nia halo Kapela ne’e tanba nia fiar iha Maromak, fiar iha Maromak la’os Maromak ida ne’ebé mate ninian maibé Maromak ne’ebé moris, tan ne’e mak ita hotu la’o rai ne’e loron ida ita sei fila fali ba Maromak, tan ita los duni isin fila ba rai klamar ba Maromak. Parabens ba ita bo’ot sira ne’ebé marka istória tanba Kapela ida ne’e, tan ne’e ita ohin halo ona Kapela ida ne’e inaugura ona Kapela hein katak kuandu iha Missa iha ne’e  sarani sira tenki mai reza fatin ida ne’e, labele ohin mak ita festa doko rai iha Lumluli aban ba oin ita liu iha ne’e haree bibi ho karau mak mai hela besik iha Kapela ou sarani sira dook hotu, sarani la mai Kapela entaun asu bibi karau ou kuda mak sae mai fali iha Kapela lae, Kapela ne’e halo ba ita ema tanba animal laiha klamar mak ne’e ita ema mak iha klamar ita presiza Maromak” Apresiasaun Amu Bispu Nai Bispu ba Sarani Lumululi no Kompañia Bos Key inklui Lia menon ba Sarani Lumluli Maulau 21/07/2022.

Liga ho Prosesu Konstrusaun ba Kapela Santa Clara de Assis Lumululi Suku Maulau ba Jornalista Radiu Komunidade Maubisse Mau-Loko Responsabel Kompañia ne’ebe Ajuda Konstroi Kapela Refere Afonsu Henrique Xavier da Costa Maukey ne’ebe Kuiñesidu ho naran Key Xavier hateten;

” Iha momentu 2020 iha inundasaun ida ne’ebé afeta iha fatin hotu-hotu iha momentu ne’eba la sala iha fulan Abril 2020 ha’u hetan informasaun ne’e liuhosi média ne’ebé mak halo ha’u nia laran monu kedas ba iha momentu ne’eba katak fatin ida ne’ebé maka sarani atu hasoru malu ho Maromak iha momentu ne’ebé hetan tiha afeta husi dezastre naturais, entaun iha momentu ne’eba ha’u hetan informasaun ida ne’e momentu ne’e kedas ha’u liga kedas ba ida ne’ebé hasai informasaun ida ne’e iha momentu ne’eba ha’u dehan katak ha’u la promote maibé iha loron ida parese ha’u sei ba haree fatin ida ne’e I ha’u hakarak hadi’a no ikus iha momentu ne’eba sala liu tiha tinan ida iha 2021 ha’u komesa mai haree nune’e ha’u aranja kedas material no haruka kedas ha’u nia badaen mai halo, mais lolos ne’e hotu tiha iha fulan hirak liu ba kotuk mais iha momentu ha’u sei ajuda fila fali iha parte balu ne’ebé presiza mós ha’u nia apoiu entaun ha’u ba ajuda tiha iha ne’eba iha fatin iida ne’e husik hela kala kuaze fulan ne’en (6) servisu la la’o tiha. Tanba ne’e mak, foin dadaun ha’u esforsu an hamutuk ho ha’u nia badaen sira, sira mai nafatin servisu no liliu agradese tebes ba komunidade no srani suku Maulau liuliu iha Aldeia Lumluli ne’ebé mak hamutuk ho Amo Paroquia Maubisse ninian ne’ebé durante ne’e ha’u rona de’it ha’u nunka mai, maibé ha’u rona katak Amo Paroquia husi Maubisse ninian mak mai hamutuk ho komunidade sira esforsu makas tebes halo servisu durante ne’e mesmu ha’u mak halo, hola buat hotu material mai maibé sei la ajuda husi Amo Paroquia no sarani sira kerdizer que Kapela ne’e la bele atinje hanesan ne’e maibé servisu esforsu makas husi sarani sira nomós husi Amo Paroquia mak ohin loron bele atinje duni ita nia Kapela Lumluli Maulau ninian” Haktuir Key Xavier ba Jornalista RKMM 21/07/2022.

Nia hatutan Halao ida ne’e Tamba hetan Suporta husi Familia liu-liu husi nia Espoza rasik ida ne’e sai hanesan Asaun Karidade ida ba Sarani Lumululi Suku Maulau Maubisse.

Iha Seremonia Inaugurasaun Kapela Santa Clara de Assis Lumululi Suku Maulau fó mós Krisma ba Krismandu Hamutuk 121.

Jornalista                     Moisese da Silva Magno

Editór                          Joaquim de Fátima Coutinho