Produsaun Ai-Funan Fresku iha Ertilen Maubisse Menus Tamba Impaktu husi Udan

0
411 views
SONY DSC

Racom Maubisse (06/07/2022) Tuir Komunidade Produtóres Ai-funan fresku iha Aldeia Tili-Tuku Suku Maubisse Villa Municipiu Ainaro, João de Soares  ba Radiu Komunidade Maubisse Mau-Loko katak babain udan halo aifunan buras liu tan maibe akontese oin seluk fali halo Ai-funan tahan namlaek  hanesan ahi maka sunu.

“Aifunan ne’ebe ami iha biasanya udan kundu mai ne’e halo Ai-funan sira tahan buras liu tan no fó nia funan diak, maibe ida ne’e oin seluk fali halo estraga fali Ai-funan sira ne’ebe iha. Seidauk udan ne’e ami hetan osan la barak mais lor-loron ne’e ami sempre hetan. Tamba iha ona udan Ai-funan ne’e ladun funan no at, tamba iha moras ida maka kona Ai-funan ne’e hanesan tia ahi han” Hateten João ba RKMM 06/07/2022.

Impaktu hanesan laos deit kona Ai-funan maibe ba mos Estrobery ne’ebe maka Komunidade sira kuda iha Maubisse.

“Hau haré nia modelu ne’e hanesan moras Estrobry nian maka kona fali ba Ai-funan tamba Estrobry mos kona mate hotu entaun Ai-funan mos hanesan kuandu nia kona husi rohan enstaun at hotu kedan” Nia Hatutan 06/07/2022.

Maske nuúne’e nafatin iha esperansa hodi hadia hikas Ai-funan ne’ebe maka at ona. Ho problema ne’e nia husu apoiu tékniku husi MAP Diresaun Municipiu Ainaro Oinsa bele fó apoiu tékniku atu bele kuda no kuida Ai-funan diak liu tan.

“Masek nune’e hau nafatin iha espransa hodi hadia hikas Ai-funan sira ne’ebe maka at ona ne’e maibe ida fali halo hau mos lakon vontade atu kuda tan Ai-funan. Maibe la buat ida udan maka estraga ne’e laos ema maka estraga be ita hodi hirus agora buat Natureza ne’e o atu dehan nusa ba, nia mai hamos rata tia mos ita labele kolia buat ida. Hau nia rekomendasaun ba Ministériu Agrikultura no Peskas karik bele hakat hela mai iha ami nia fatin bele mai hanorin ami oinsa maka bele hadia Ai-funan ne’ebe diak atu núne’e hau bele kuda nafatin ba oin ho diak liu tan” Haktuir Komunidade Produtóres Aifunan Fresku ne’e ho Laran Susar ba Jornalista Radiu Komunidade Maubisse Mau-Loko Kuarta ne’e iha rezidensia Ertilin Aldeia Tili-Tuku Suku Maubisse Villa Postu Maubisse Municipiu Ainaro 06/07/2022

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments