Racom Maubisse (09/07/2022) Sabadu ne’e Komisaun Organizadora Preparasaun ba Festa Padroeira Paroquia Imaculadu Coração de Maria Maubisse no Festa Fahi Ulun, Hamutuk ho Xefe Suku Maubisse, no Ekipa Tékniku sira husi Comunity Maubisse tó Direita iha Foho Balibo Maubisse hodi Observa fatin ba harí Kruz ho Medida 22 Mentru ne’ebe maka konstroi no Servisu direita husi Sarani Sira.
Iha Foho Balibo Tutun ba Jornalista Radiu Komunidade Maubisse Mau-Loko Vise Prezidente Komisaun Organizadora Festa Padroeira PICOMA no Festa Fahi Ulun Adelino Mendonça Espirito Santo haktuir katak;
“Agora dadaun ami iha Foho Balibo hodi haré hela fatin oinsa atu bele lori Kruz mai harí. Ami planeia hela Kruz atu mai harí iha loron ida ka rua tuir tan mai, Tamba ne’e maka ami hamutuk ho tékniku sira hotu ho traballador sira iha ne’e sira servisu dadaun no téknuku sira haré oinsa maka Kruz ne’e nia fatin ne’e atu harí, no meus hanesan saida maka atu bele hít Kruz ne’e hodi lori mai harí. Ita iha Kruz ida ke ho medida 22 mertus ida ne’e maka agora dadaun ita mai haré hela nia fatin, e fatin agora dadaun mós traballador sira halo hela dadauk loron ida ka rua tan ita planu para hít ona Kruz husi Maubisse Villa sa’e mai hatúr iha Foho ida ne’e” Hatuir Adelino Mendonça Espirito Santo ba RKMM 09/07/2022.
Tamba ne’e husu ba Sarani sira hotu iha Postu Administrativo Maubisse inklui Organizasaun Artes Marsiais no Arte Rituais ne’ebe maka Ejisti iha Postu Administrativo Maubisse atu Kontribui Forsa Hamutuk hodi hít Kruz ne’ebe maka ho Midida 22 metrus ne’e husi Suku Maubisse Villa ba harí iha Foho Balibo Tutun Maubisse Municipiu Ainaro.
“Lori Prezidente Komisaun nia fatin hanesan Vise Prezidente, hakarak hateten no husu ba Sarani hotu-hotu, Suku Maubisse, mós ba Suku 9 Paroquia Maubisse nia konta katak ami nia informasaun bainhira deit maka atu lori Kruz mai harí ami fó hatene ita hotu mai nafatin tamba Kruz ne’e ba ita hotu-hotu. Mós ba alin sira Grupu Artes Marsial sira Hanesan PSHT, KORK, IKS, COLIMAU, 77, atu ami nia informasaun tó ita bót sira mai nafatin ajuda nafatin ita hotu-hotu Bahu Membahu hakarak ka lakohi husu para ita tenki fó liman ba malun para ita mai harí Kruz ne’e. Kruz ne’e kuandu harí metin ona la dehan katak ema seluk ninian mais ita Paroquia Maubisse ninian ne’e orgullu bót ida ba ita. Tamba ne’e ami lori Komisaun nia fatin hakarak husu nafatin ba Sarani hotu-hotu, no Organizasaun hotu iha Maubisse mai hotu ba hodi ita hít Kruz ne’e hodi Mai harí iha Foho Balibo nia Tututun Pelumenus tersa ho Kuarta ne’e ita tenki lori ona sae mai iha ne’e” Hateten Vise Prezidente Komisaun ba Preparasaun Festa Padroeira PICOMA 09/07/2022.
Tuir Planu katak Kruz Sei hít no lori sae ba Foho Balibo Tututun Loron 14 Fulan Jullu 2022.
Jornalista Moises da Silva Magno
Editór Joaquim de Fátima Coutinho
