Racom Maubisse (13/07/2022) Relasiona ho Porsesu atu lori Ai Kruz Santo ho nia Medida Mertu 22 ba hatúr iha Foho Balibo Tutun Maubisse Municipiu Ainaro. Tamba ne’e Kuarta Feira loron 13 fulan Jullu ne’e Komisaun Oeganizadora ba Festa Padroera Paroquia Imaculado Coração de Maria Maubisse no Festa Fahi Ulun halao Surumutuk ho Xefe Aldei 12 iha Suku Maubisse nia konta Inklui ho Seksaun sira iha Denlok Suku Maubisse Villa.
Liu husi Surumutk ida ne’e Xefe Suku Maubisse Villa husu Ba iha Xefe Aldeia sira atu Mobiliza Komunidade Sira liu-liu ba Foinsa’e atu aban hola parte hotu iha fatin Solda Kruz nian iha Denlok Maubisse Núne’e bele lori ona Kruz ba iha Foho Balibo Tututn.
“Husua ba Xefe Aldeia sira tamba Kruz ne’e reprejenta Sarani Maubisse Postu ida ne’e tamba ne’e maka ita nia ema kada Aldeia Joven sira ne’ebe maka forsa diak ne’e tenki hatun hotu mai laos dehan katak, Kruz ne’e ba tau iha Balibo laos Balibo nian mesak lae ida ne’e reprejenta Suku Maubisse Postu Maubisse Paroquia Maubisse” Dehan Xefe Suku Maubisse ba Xefe Aldeia Sira 13/07/2022.
Iha Oportunidade ne’ebe maka hanesan Xefe Suku Maubisse entrega mos Orsamentu Kontribuisaun ne’ebe maka Durante ne’e Xefe Aldeia Sira Rekolla ba iha Komisaun Oarganizadora Festa Padroeira PICOMA no Festa Fahi Ulun.
Fatin hanesan Prezidente Komisaun Organizadora Festa Padroeira Pariquia Imaculado Coração de Maria Maubisse, no Festa Fahi Ulun Pedro Mendoncça liu husi Intervista ho Jornalista Radiu Komunidade Maubisse Mau-Loko katak, Kruz refere sei lori husi Denlok Suku Maubisse Villa sae ba iha Foho Balibo Tututn Komesa tuku 9 dader tamba ne’e husu Partisipasaun Sarani Paroquia Maubisse nian, Iklui Grupu Artes Marsiais no Arte Rituais sira nia kontribuisaun Forsa hodi bele lori Ai Kruz Santo ho Medida Metru 22 to ba iha Foho Balibo Maubisse.
“Ami aban atu lori Kruz ne’e ba Balibo laos Suku Maubisse deit, inklui organizasaun ne’ebe maka iha Postu Administrativu Maubisse hanesan PSHAT, KORK, IKS, Rituais, no mós Sagrada Familia Alias Coli, hamutuk ho Suku 9 ne’ebe maka iha Postu Administrativu Maubisse hamutuk ho Suku Maubisse maka aban 9 oras ami atu lori Kruz Santu ne’e ba iha Foho Balibo” Hateten Prezidente Komisaun Organizadora ba Jornalista RKMM 13/07/2022.
Jornalista Moisese da Silva Magno
Editór Joaquim de Fátima Coutinho
