Racom Maubisse (24/06/2022) Fiderasaun Fotebol Timor Leste (FFTL) hamutuk ho Assosiasaun Futebol Ramelau Ainaro (AF-RAMA), Sesta feira loron 24 fulan Juñu ne’e Lansa Jogu Futebol Sub 19 iha Kampu Municipal Ainaro.
Hafoin halao Abertura ba Jogu refere ba Radiu Komunidade Maubisse Mau-Loko Direktur Tékniku Fiderasaun Futebol Timor Leste (FFTL) Gaspar Quitão da Silva Hateten, liu husi kompetisaun ida ne’e atu bele dezemvolve diak liu tan talentu Jogadores sira nian lao diak liu tan ba oin iha Municipiu idak-idak.
“FFTL ho Assosiasaun hamrík iha objetivu ida maka oinsa atu lori Futebol ne’e bele dezemvolve diak liu no avansa liu ba oin, tamba ne’e maka FFTL ho nia membru Assosiasaun sira iha Municipiu hotu iha komitmentu atu dezemvolve Futebol liu husi kompetisaun sira ne’ebe maka halao iha Municipiu hetan apoiu husi FFTL. Tamba FFTL nia hakarak Futebol ne’e tenki lao ba tó iha Municipiu hot-hotu atu produs Jogador laos iha Nasional deit mais presija mos produs Jogador diak sira ba selesaun ne’e mai husi Municipiu” Dehan Direktur Tékniku FFTL iha Municipiu Ainaro 24/06/2022.
Quintão kuntinua fundamenta liu tan katak;
“Sedu ka tarde kompetisaun iha Municipiu hotu sei lao ba agora dadauk Ainaro loke ona iha Municipiu balun mos insera ona balun komesa prepara atu hahu fial fali ona. Hau fiar katak iha tinan ida ne’e nia laran kompetisaun barak sei lao iha Municipiu. Objetivu Prinsipal husi Fiderasaun Futebol liu husi ninia Assosiasaun sira iha Municipiu atu halao planu no programa ne’ebe maka FFTL hatun” Hatutan Nia 24/06/2022.
Ho tempu ne’ebe maka hanesan Prezidente Assosiasaun Futebol Ramelau Ainaro (AF-REMA) Eujevanio de Araújo Bucar hateten, hodi realija eventu ida ne’e Assosiasaun Futebol Ramelau Ainaro hetan apoiu husi Fiderasaun Futebol Timor Leste (FFTL) liu husi presenja treinador Selsaun Nasional ne’ebe maka partisipa mos iha Jogu ne’e iha Municipiu Ainaro.
Alende ida ne’e objetivu Prinsipal husi Jogu ida ne’e hodi komemora mos loron Konsulta Popular loron 30 fulan Agostu 2022 iha Municipiu Ainaro.
“Inisiativa ba eventu ida ohin loron nian ne’e ita kria eventu ida ho monoridade ho sira nia idade ne’ebe maka Sub 19. Eventu ida ne’e liu husi Fiderasaun í ita hetan apoiu husi Fiderasaun aumesmu tempu iha mos treinador Selesaun Nasional nian ne’ebe marka presenja iha ne’e hakarak haré direitamente eventu ida ne’e tamba nia mos hakrak foti Jogador ne’ebe maka iha talentu ne’ebe diak iha Municipiu Ainaro. Entau husi eventu ida ne’e Assosiasaun hakarak prepara ba futuru ne’ebe maka diak liu tan aban bairu bele reprejenta Assosiasaun Municipiu Ainaro nian ba iha Nasional ne’eba. Alende ne’e komemora mos ho loron 30 de Agostus ninian” Hateten Prezidente AF-RAMA 24/06/2022
Hafoin ne’e halao abertuta kuntinua kedan Jogu husi FC Haksolok no FC Jakarta II iha Kampu Futebol Municipiu Ainaro, Partisipa husi Ekipa FFTL Husi Nasional, Reprezentante Administrador Municipio, Adinistador Postu Ainaro Vila, Prezidente CCI TL Municipiu Ainaro, Segundu Komandante PNTL Municipiu Ainaro Ainaro, Hamutuk ho Responsabel Klubu sira hotu iha Municipio Ainaro Jogadores, Inklui Komunidade Municipiu Ainaro.
Jornalista Moises da Silva Magno
Editór Joaquim de Fátima Coutinho
