Racom Maubisse (24/06/2022) Assosiasaun Futebol Ramelau Ainaro (AF-RAMA) hetan osan ho montante Dolares Rihun Ha’at Resin husi Fiderasaun Futebol Timor Leste (FFTL) no Administrasaun Municipiu Municipiu Ainaro no husi Assosiasaun Rasik hodi Realija Kompetisaun Jogu Futebol Iha Municipio Ainaro hodi Komemora Loron Konsulta Popular Loron 30 fulan Agostu 2022.

Numeru ne’e relata husi Prezidente Komisaun Organizadora Crisogno Lays Asa Xavier iha Jogu Abertura Sub 19 iha Kampu Futebol Municipiu Ainaro Sesta Feira ne’e.

Tuir Prezidente Komisaun Organizadora ne’e katak, kompetisaun ba Jogu ida ne’e hodi komemora loron Konsulta Popular ne’ebe maka Sei monu iha Loron 30 fulan Agostu 2022.

“Halo eventu ida ne’e ba iha Selebrasaun loron 30 de Agostu loron Referendum nian, ho ida ne’e orsamentu ne’ebe maka Assosiasaun hetan hodi apoiu ba iha aktividade ida ne’e ho total maka Quatru Mil Quatru Centus Sinqueinta Dois Dolares Sinquenta Centavus, $4.000 ida ne’e maka husi FFTL nian apoiu $ 2.200, husi Administrasaun Municipiu Ainaro Apoiu $200, husi Klubu sira hamutuk 13 ne’ebe ke sei joga ba iha eventu ida ne’e kada Klubu sira rejinta ho $25 dolar ita total hamutuk ho Klubu ne’ebe maka rejista iha $325 dolar. Haré ba iha orsamentu ne’ebe maka ohin hau mensiona iha ne’e seidauk tó para ita atu organiza ita nia Jogu ne’ebe ke Nivel Municipal ninian entaun Assosiasaun rasik ho osan ne’ebe maka sira iha obrigatoriumente sira tenki hasai fali sira nia osan Mil Quatru Centus Vinte Sete Doares Ciunquineta  Centavus hodi aumenta ba iha aktividade ida ne’e” Relata Prezidente KO 24/06/2022.

Kona ba Ejekusaun orsamentu ida ne’e Prezidente Komisaun Organizadora ne’e kuntinua relata liu tan katak;

“Osan sira ne’e agora ba preparasaun nian ita ejekuta ona 25% ba iha preparasaun nian no mos sei preve fila fali balu ba adbitrajen sira, ba iha Premeiu Lugar no Segundu lugar,  sira ne’ebe maka hosi komisaun organizadora prepara  ba oin. Ida ne’e maka ami nia preparasaun nian atu detallu liu iha inseramentu ita sei lé relatótiu ida pur ida ba ita bót sira” Relata KO 25/06/2022.    

Abertura ba Jogu refere Partisipa husi Ekipa FFTL Husi Nasional, Reprezentante Administrador Municipio, Adinistador Postu Ainaro Vila, Prezidente CCI TL Municipiu Ainaro, Amu Paroko Ainaro. Segundu Komandante PNTL Municipiu Ainaro Ainaro, Hamutuk ho Responsabel Klubu sira hotu iha Municipio Ainaro Jogadores, Inklui Komunidade Municipiu Ainaro.

Jornalista                     Moises da Silva Magno

Editór                          Joaquim de Fátima Coutinho