Racom Maubisse (24/06/2022) Segundu Komapandante PNTL Municipiu Ainaro Suprentendente Asistente Mario Victor da Costa hateten ida ne’e iha Seremonia abertura ba Jogu ne’ebe maka organiza husi Assosiasaun Futebol Ramelau Ainaro Sesta feira loron 24 fulan Juñu ne’e iha Kampu Futebol Municipiu Ainaro.
Autoridade Securansa ne’e hateten Komandu PNTL Municipiu Ainaro prontu hodi garante Seguransa ba Jogu ida ne’e.
“Iha ne’e Komandu Polisia Ainaro sei prontu garante Seguransa ba imi nia Jogu durante fulan tolu tantu ekipa Task Force iha ne’e Komandu Esquadra sira iha ne’e hamutuk ho OPS hotu atu bele fó Seguransa diak liu-liu atu tau matan ba ita nia penontong sira ne’e. Tamba ita mai iha ne’e atu observa ita nia oan sira Jogu maibe ita labele hodi fali ita nia problema partikular Grupus mai iha Kampu ida ne’e” Alerta Segundu Komandante PNTL Municipiu Ainaro 24/06/2022.
Importante husu ba Ekipa Komisaun Organizadora ba eventu ida ne’e atu nafatin mantein komunikasaun diak ho parte Polisia karik akontese problema ruma durante Jogu.
“Ikus liu mos atu husu ba iha Komisaun katak, ita nia ambiente ne’e diak loron ida bele halo Jogu ne’e dala tolu másimu joogu dala rua mos diak ke intrese imi tenki fó hatene ba iha Polisia katak oras hanesan ne’e Joga ou loron hanesan ne’e Joga atu núne’e Polisia sira bele tau sira nia atensaun iha ne’e” Hateten Komandante ne’e 24/06/2022.
Jogu ne’ebe maka halao dadaun iha Municipiu Ainaro ne’e halao durante fulan 3 nia laran hahu iha loron 24 fulan Juñua ne’e.
Jornalista Moises da Silva Magno
Editór Joaquim de Fátima Coutinho
