Jogu  Final CCM Cup FC PICOMA  Kontra FC Nicolau Municipiu Aileu

0
249 views

Racom Maubisse (25/06/2022) Centru das Crianças de Maria (CCM) organiza Jogu CCM Cup ba Edisaun daruak nian ne’ebé involve Klubu Feto  iha Daisoli Municipiu Aileu Sabado fin de Semana ne’e.

Objetivu husi Jogu ne’e Hanesan Parte ida hodi Kontribui ba Komunidade nia Ksolok dame liu husi edukasaun Desportiva.

Ba Radiu Komunidade Maubisse Mau-Loko  inisiatór ba Torneu ne’e Padre Mouzinho Pereira Lopes hateten, Jogu ida ne’e hanesan Parte ida atu Promove liu tan talentu labarik feto sira nian liu husi Desportu iha Komunidade nia let.

“Iha ne’e hau Loke Centru das Crianças de Maria sira bolu CCM ne’e  sentru iha ne’e ho iha Dili ami maka organija eventu ne’e Futsal ba Femenino ba Feto sira tamba ami haré iha ne’e talentu iha  barak husi ita nia oan Feto sira. Ne’e hanesan tipu ida mos atu promove ita nia Oan Feto sira iha Komunidade nia let”  Hateten Pe. Mouzinho ba RKMM 25/06/2022.

Bibiatan ba Sarani Estasaun Misionaria  Daisoli Municipiu Aileu n’e Kontinua hatutan liu tan katak Desportu hanesan Edukasaun diak ba iha Foin Sa’e sira.

“Tinan rua nia laran hau koko halo buat ne’e hodi fila tia Komunidade nia Pensamentu hanoin katak Jogu ne’e etok Eskola ida, objetivu Prinsipal maka ne’e iha Jogu ne’e hanesan Eskola tamba dezemvolve buat oi-oin barak los laos deit divetimentu, depois ami organiza hau o ho hau nia oan hakiak sira ne’e tinan uluk no tinan ida ne’e ami husu suporta husi Komunidade iha ne’e sira tulun itoan-itoan mai loke Kampu, hamós Kampu, tau lutu haleu” Haktuir Pe. Mouzinho 25/06/2022.

Partisipa iha Jogu ne’e   labarik Feto Sira iha Daisoli rasik husi Suku 3 maka hanesan Lahae, Fatubosa, no Suku Liquitura, husi Municipiu Aileu no husi Postu Administrativo Maubisse Municipiu Ainaro.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments