Racom Maubisse (19/06/2022) Hateten foisa’e Suku Maubisse Villa, Lucas Lopes Martins Nunes, ne’ebé iha Inisiativa no Mehi hodi Konstroi Gurata Nian Feto do Rosario de Fátima ne’ebe maka haetan tulun hosi familia Vijiñu,  ne’ebé nia lokalizasaun  Maded Biheturem Aldeia Hatufae Suku Maubisse Vila Postu Maubisse Municipio Ainaro.

Domingu Loron 19 fulan Juñua foin dadaun ne’e,  Ekipa Jornalista Radiu Komunidade Maubisse Mau-Loko tó direita iha Gruta refere hodi halo Intervista ho Foinsa’e no inisiatór ba Gruta refere Lucas Lopes Martins Nunes, Haktuir katak, hanesan Rai Maubisse nia oan prontu atu halo saida deit ba Maubisse tamba Rai Maubisse nia furak laos mai husi ema seluk maibe Maubisse nia furak iha ita Maubisse oan rasik. Haré ba rajaun hirak ne’e maka Wainhira Foinsa’e ne’e sei iha Banku Universidade iha ona mehi ba Konstrusaun ba Gruta refere wainhira finanlija ninia Estudu iha Area Tékniku Universidade da Paz (UNPAZ) iha Tinan 2019.

“Inisiativa hau atu hahu Gruta ida ne’e tamba hau iha mehi molok hau atu remata hau nia Estudu hau iha tia ona mehi ba Gruta ida ne’e. Iha 2019  hau akaba hau nia Estudu no iha dia 3 de Janeiru 2020 halo Konstrusaun ba Gruta refere. Atu Apoiu ne’e ita haré ba kbít ema hotu nian tamba ne’e karik sira atu apoiu buat ruma ne’e mai husi fiar” Hateten Lukas iha Gruta Maded Biheturem Maubisse 19/06/2022.

Foinsa’e Metan Morena ne’e Kuntinua hatutan hahu husi inisiu Konstrusaun ba Gruta ne’e la hetan apoiu ruma husi Governu  maibe mai husi Komunidade sira rasik husi Aldeia 3 ne’ebe maka hela besik iha Area ne’eba.

“Husi Governu ami seidauk hetan Apoiu ami Komunidade Aldeia 3  tamba ida ne’e sai hanesan Pusat ba Aldeia 3 ne’e ami la husu maibe ami hein deit sira nia apoiu. Tamba ita núdar Maubisse oan saida maka atu halo ba Maubisse hau prontu atu serbei tamba ida ne’e hau núdar Maubisse oan. Maubisse nia furak la husu husi ema seluk maibe Maubisse nia furak iha ita Maubisse on rasik” Dehan Foinsa’e Metan Morena ne’e ba Jornalista RKMM 19/06/2022.

Nia Kuntinua haktuir mos rajaun balun ne’ebe maka inspira nia hodi konstroi Gruta ida ne’e.

“Hau husu tuir Itória katak uluk Beiala sira hela iha ne’e, ho ida ne’e duke husik ba sai hanesan hanesan ailaran tuan Maubisse nia furak ne’e sei bele lakon. Tamba ne’e husi hau nia mehi ne’ebe kík hau hakarak husu ba Maun Alin no Komunidade sira bele ajuda hau nia mehi ida ne’e bele sai bót liu tan” Nia dehan

Lucas Lopes Martins Nunes Remata ninia estudu iha Universidade da Paz Fakuldade Tékniku Departementu Engeneria iha Tinan 2019.

Jornalista                     Moises da Silva Magno

Editór                          Joaquim de Fátima Coutinho