Racom Maubisse (17/06/2022) Estudante Estajiadus husi Universidade Nasional Timor Lorosa’e Kursu Farmasia Realija Seremonia Agradesementu hamutuk ho Autoridade Postu Administrativo Maubisse iha Edefisiu Adminstrasaun Postu Administrativo Maubisse Municipio Ainaro Sesta feira ne’e.
Objetivu husi husi Seremonia ida ne’e hanesan Simbolu agradesementu ba Administrador Postu Maubisse tamba oferese ona fatin ba Estudante sira hodi halao sira nia aktividade estajiu durante fulan tolu iha Hospital Referal Maubisse.
Ba Radiu Komunidade Maubisse Mau-loko Responsabel Estudante Estajiadus Universidade Nasional Timor Lorosa’e Kursu Farmasia Yosep Abi informa;
“Husi Universidade Nasional Timor Lorosa’e iha Kursu Farmasia nian, objetivu husi Seremonia ida ne’e laos katak Agradesementu maibe tamba momentu ami mai Sr.Administrador rasik maka fó fatin ba ami ne’ebe iha ida ne’e ami hakarak fó apresiasaun ida husi ami núdar Estudante ne’ebe maka halao ami nia prátika iha Hospital durante fulan tolu nia laran ami atu besik termina ona” Dehan Yosep 17/06/2022.
Nia fundamenta liu tan katak Estudante hirak ne’e mai husi Kursu tolu maka hanesan Kursu Nutrisaun, Farmasia, no kursu Laboratorium hamutuk 56 maka halao sira aktividade prátika durante fulan tolu nia laran iha Hospital Referal Maubisse.
Tempu hanesan Administrador Postu Administrativo Maubisse Municipio Ainaro, Claudino Mendoça ba Estudante sira nia hameno katak;
“Imi fila fali ba Universidade Nasional Timor Lorosa’e hodi kuntinua ita bót sira Estudus. Ne’ebe ita bót sira fila ba prepara-an halo didiak tinan oin imi bele gradua. Husu nafatin ba ita bót sira prepara-an halo didiak ba aban bairua ita bót sira sei koloka ba suku sira Postu tuir programa Governu liu husi Ministériu Saude katak suku 452 iha Timor laran tomak sei hein hela imi, imi maka sei sai profesional Saude ne’ebe halao imi nia knár hodi fó atedementu ba Komunidade Sira” Hameno Administrador Postu Administrativo Maubisse Claudino Mendonça 17/06/2022.
Entertantu Estudante hirak ne’e mai halo sira nia aktividade prátika iha Hospital Referal Maubisse hahu iha loron 22 fulan Marsu ne’e no sei termina iha loron 28 fulan Juñu 2022 iha Hospital Referal Maubisse.
Jornalista Moises da Silva Magno
Editór Joaquim de Fátima Coutinho
