Racom Maubisse (14/06/2022) Prokupasaun ne’e aprejenta husi Prezidente Konsellu Radiu Komunidade Maubisse Mau-Loko Manuel Sequira de Araujo ba Ekipa Monitorizasaun husi Ministériu Assuntu Parlamentar no Komunikasaun (MAPKOMS) Tersa feira loron 14 fulan Juñu ne’e, Wainhira halao Monitorizasaun ba Fundus Transferensia Públiku iha Radiu Komunidade Maubisse Mau-Loko.
Nia hateten;
“Ami hein katak depois de rejultadu husi monitorizasaun ida ne’e bele tau pregunta ruma kona-ba Edefisiu. Tamba ita bót sira mai hare ona uma deste tempu Indonesia nian iha enkontru sira iha Dili ami sempre kestiona buat ne’e maibe tó agora rejultadu laiha rejultadu ikus liu maka pernah ami rona dehan halo fali proposta ba iha Municipio. Se ba Municipio entaun problema itoan tamba total Orsamentu husi Minicipio nian ne’e dala ruma antes tia entaun se agora ami hatama tenki hein fali ba 2023 ou 2024, Tamba ita hatene uma Indonesia nian ne’e fundasi okos laiha karik iha opurtunidade bele hatama mos ida ne’e. Buat hot-hotu ne’e ema atu servisu diak fatin tenki diak, agora servisu mai voluntariu tan depois ita obriga ho situasaun sira hanesan ne’e akontese buat ruma ita bele dehan la Sengaja mais bele sengaja tamba ita hatene hela dehan fatin hanesan ne’e mais ita hakarak uja nafatin” Aprejenta Prezidente Konsellu Radiu ba Ekipa Monitorizasaun Husi MAPKOMS iha Edefisiu Radiu Maubisse 14/06/2022.
Liga ho Prokupasaun ne’e tuir Ekipa Monitirizasaun Cerdiana Marques Pereira liu husi intervista ho Jornalista Radiu Maubisse hateten, Monitorizasaun ida ne’e sei aprejenta ba Gvernu MAPKOMS atu bele toma medida ba Prokupasaun sira ne’ebe maka Radiu Maubisse infrenta hodi Prepara ba Planu programa tinan 2023
“Liu husi monitorizasaun ida ne’e ami sei ható ita bót sira nia prokupasaun ami sei aprejenta ba Sua Eselensia atu núne’e bele toma medida ba ita bót sira prokupasaun ne’ebe ke iha. í ami nia montorizasun ne’e ami prepara ba planu 2023 nian tamba iha tinan 2023 maka foin bele hamosu fali programa foun” Dehan Cerdiana ba Jornalista RKMM 14/06/2022.
Jornalista Moises da Silva Magno
Editór Joaquim de Fátima Coutinho
