Ekipa MAPKOMS Halao Monitorizasaun Iha Radiu Komunidade Maubisse

0
245 views

Racom Maubisse (14/06/2022) Ekipa husi Ministériu Assutu Parlamentar no Komunikasaun (MAPKOMS) Tersa feira loron 14 fulan Juñu ne’e halao Monitorizasaun iha Radiu Komunidade Maubisse Mau-Loko.

Objetivu husi Monitorizasaun ne’e foka liu ba  utilizasaun Fundus Tranferensia Públik (FTP) ne’ebe maka Governu atribui ba Radiu Komunidade sira inklui Radiu Komunidade Maubisse Mau-Loko.

Tempu hanesan hafoin de halao enkontru ho Prezidente Konsellu no Jestor Radiu Komunidade Maubisse Mau-Loko, Cerdiana Marques Pereira ne’ebé toma konta ba Monitorizasaun no Avallasaun husi MAPKOMS hateten, Objetivu husi aktividade Monitorizasaun ne’e foka liu ba fundus FTB ne’ebe MAPKOMS Liu husi Diresaun Nasional Promosaun Dezemvolvementu Mídia Lokal (DNPDML) atribui ba Radiu Komunidade Maubisse Mau-Loko.

“Ami nia objetivu Prinsipal mai iha Radiu Komunidade Maubisse ne’e, iha aktividade prinsipal ida ne’ebe liga liu ba aktividade monitorizasaun ka avallasaun. Tamba ne’e ami ekipa disidi hakarak mai hao monitorizasaun kona-ba Fundus Transferensia Públiku ne’ebé maka husi Governu Liu husi Ministériu MAPKOMS iha Diresaun DNPML ne’ebé distribui fundus ida ne’e ba estasaun Radiu Komunidade 17 inklui Radiu Komunidade Maubisse. Tamba ne’e ami mai halo monitorizasaun iha fatin refere atu hatene lolos kona-ba satisfasaun Komunidade sira kona-ba programa Radiu Maubisse nian” Dehan Cerdiana ba RKMM 14/06/2022.

Nia fundamenta aktividade hanesan halao mos ba ba Komunidade Maubisse Inklui Konsellu Radio Komunidade Maubisse Mau-Loko.

“Iha monitorizasaun ami iha tipu rua ba Komunidade no mos ba Konsellu Radiu  atu núne’e ami bele hatene mos funsionamentu servisu liga ba Fundus Transferensia Públiku mais ou menus FTP ne’ebe maka aloka Sufisiente ba ita bót sira bele jere ou la sufisiente ne’e depende ba ita bót sira” Nia hateten 14/06/2022.

Biban ida ne’e mos liu husi Surumutuk ne’ebe maka halao husi Ekipa MAPKOMS ho Jestor Radiu Komunidade Maubisse Mau-Loko,Joaquim de Fátima Coutinho ba ekipa Apresenta katak, Lori Struktura Radiu Maubisse nian naran agradese ba Ekipa husi MAPKOMS tamba bele mai halo ona monitorizasaun kona ba Fundus Tranferensia Públuku iha Radiu Maubisse.

Tuir Jerente Radiu Maubisse ne’e hateten atividade Monotorizasaun hanesan halao ba dala rua ona iha Radiu Komunidade Maubisse tamba ne’e nia Prefere diak liu halao ba Komunidade sira iha Maubise ne’ebe Asesu Informasaun husi knal Radiu Komunidade Maubisse Mau-Loko.

“Ba intervista Komunidade sira diak liu hau prefere ida ne’e, se mai maka intervista Konsellu Autoridade ne’e ita bosok malu hela diak liu ba Komunidade sira” Rekomenda Jestor Radiu Komunidade Maubisse Joaquim de Fátima 14/06/2022.

Entertantu liu husi Monitorizasaun ida ne’e sei aprejenta ba Gvernu liu husi MAPKOMS atu bele toma medida ba Preokupasaun sira ne’ebe maka Radiu Maubisse infrenta hodi Prepara ba Planu programa tinan 2023

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments