Racom Maubisse, 08/06/2022, Kom PNTL Maubisse Afonso da Silva hateten katak Moto Komando PNTL Munisípio Ainaro nian ba Tinan ida ne’e mak Liuhusi Illas Santo Antonio lori ita ba Maromak, tamba ne’e, Ohin ita mai hasoru malu iha fatin ida ne’e hodi simu ita nia illas Santo Antonio, ita hotu hatene katak tinan 2018 ita nia komadante munisipio iha planu ne’ebé di’ak hodi hahu planea ita nia illas Santo Antonio hahu haleu esquadra haat, maibe tanba pandemia covid-19 atraves halo ita labele lori ita nia illas Santo Antonio la’o tanba moras ida ne’ebé afeta iha mundo tomak.
Ba Radio Komunidade Maubisse mauloko, Kom PNTL Maubisse Afonso da Silva hatetenh katak;
“Iha semana kotuk, ita nia komando munisipio Ainaro, hakarak ita nia illas Santo Antonio la’o fila fali, no kobre esquadra haat, ohin esquadra Maubisse simu, tanba ita hatene katak Santo Antonio ema ida domin nain, ema ida ke hadomi nia sarani sira, tamba ne’e mak liu husi mahein Santo Antonio, liu husi esquadra haat atu hametin fiar kristaun, fiar ema sarani, tanba liu husi fiar ita bele harohan liu husi santo santa sira, tanba liu husi santo santa sira mak lori ita nia lian ba Aman Maromak”.
Relasiona ho vijita santo Antonio husi Posto Hatuodu mai Posto Maubisse iha Esquadra Maubisse, Komandante Esquadra ne’e hatutan liu tan katak;
“Hanesan Ita hotu-hotu hatene katak moto komando PNTL Munisípio Ainaro nian hateten katak liuhusi illas Santo Antonio nian lori ita ba Maromak, ho ida ne’e ita koalia konaba Mahein ne’e, Polisia Nasional Timor-Leste nian, maibe ita koalia kona ba Santo António de Lisboa ne’e sarani katolika iha mundo tomak nia santo”.
Tanba ne’e ita sarani Maubisse orsida ita sei halo venerasaun hamutuk ho ita nia autoridade lokal sira ne’e to’o aban ita kontinua lori ita nia illas Santo António ba iha Paroquia depois missa hotu, ita sei lori illas Santo António ba entrega iha esquadra Hatobulico.
Participa iha simu ilhas Santo Antonio Mahein PNTL Municipiu Ainaro Santo Antonio, mak hanesan autoridade local Posto Maubisse, Esdukasaun, saude no sarani sira iha Paroquia Imaculado Coracao de Maria Maubisse inklui madre sira.
Jornalista : Rafiana Angela
Editor : Joaquim Coutinho
