Racom Maubisse, 08/06/2022, Cocamau maubisse hamutuk ho Parcic kada tinan sosa café iha Posto Maubisse, liu liu iha grupo sira ne’ebe maka PARCIC Maubisse ho COCAMAU servisu hamutuk durante tinan naruk. Ho prezensa Parcic iha Maubisse mak atu ajuda grupo café sira liu husi COCAMAU hodi kuda hadia no sosa café hahu husi tinan 2002, mai to’o ohin loorn hodi export aba rai liur liu liu export aba Japaun.
Ba Radio Komunidade Maubisse Mauloko, Presidente COCAMAU Maubisse Julio M. Martins, hatene katak;
“Hanesan Prezidenti Coperativa Café Maubisse ou COCAMAU ne’ebé mak eziste iha Posto Admistrativu Maubisse, ba loron ohin ami husi koperativa COCAMAU ami enkontru ho membru sira e aleinde ida ne’e mós ami fahe materiais produsaun kafe ninian hanesan terpal/lona ka mantel ba membru sira atu nune’e sira hodi produz kafe nune’e bee habai e ho café ne’ebe mak dulas manual bele dehan ho kualidade diak kuandu faan ba merkadu, konsumidor sira bele sosa lalais”.
Husu konaba orsamentu ne’ebe sosa café ho material sira husi organizaaun rum aka governu, Presidente COCAMAU Maubisse Julio M. Martins ne’e hateten katak;
“Orsamentu neebé mak ami hodi sosa materiais neebé mak atu distribui ba membru sira mai husi ami nia fundus rasik, ami hetan fundus ne’e rua ida ami hetan ho deit $ 20 centavus, ida fali ami hetan $ 44 centavus apoiu husi Japaun no Cinha”.
Co’operativa Café Maubisse la sosa café ho kulit mean maibe sosa café ne’ebe dulas mos ona no habai to’o maran hafoin mak COCAMAU ho Parcic bele sosa, tamba ne’e tuir Presidente COCAMAU ne’e katak;
“Ami Co’operativa COCAMAU hola ho kulit mutin dulas halo mos tiha mak ami sosa parseru ho Parcic, no Parcic mak bele buka merkadu ba ami nia kafe no cafe iha tinan ida ne’e folin di’ak iha ami nia Co’operetiva ne’e fahe ba parte tolu ida nee dehan kualidade naton entaun hetan $ 2.50cent kada kilo, kualidade segundu hetan $ 2.75 cent e terseiru kulidade katak diak liu hetan $ 2.90cent”.
Kafe kada tinan produz no fan mós iha rai-laran nomós haruka ba rai liur liu-liu iha merkadu internasional hanesan Japaun, maibe atu asesu ba fatin sosa café, kondisaun Estrada iha suco no aldeia sira ne’ebe mak Parcic ho COCAMAU estabelese ba mak susar tebes, tamba ne’e Presidente COCAMAU Maubisse Julio M. Martins husu ba governu atu hadia Estrada sira iha area rurais;
“Estrada ne’e mak sai problema boot katak setor ida neebé primeiru determinante ba iha setor sira seluk, ida ne’e mak ami hasoru durante nee, ita nia produtor sira produz hela kafe kada tinan-tinan, maibé atu transporta fali mai iha posto Maubisse problema nee mak Estrada entaun ho kondisaun Estrada ladiak produtor café sira labele lori sira nia produtu cafe mai iha Maubisse”.
Durante nee COCAMAU parseiru ho PARCIC husi Japaun no PARCIC apoiu li-liu ba iha Estrada ba iha parte grupu Goulolo ninian lao hela ona e hein semana oin Estrada ninia posesu konstrusaun nee lao, e mos programa PNDS durante nee lao ligadu li-liu kada suku sira nee tau prioridade liu ba iha parte estrada nian nunee ita nia komunidade sira mós bele asesu lori sira nia produtu ba iha merkadu.
Iha fatin hanesan Hanesan Francisco Da Costa hanesan xefi do grupu Raimera, suku Edi Postu Maubisse, Municipiu Ainaro haktuir mos katak;
“Ami envolve iha grupu Cocomau, ho hau nia membru grupu ema nain 11, membru 11 nee xefi grupu mak kontrola, ami nia kafe durante ne’e hetan folin diak primeiru hetan folin $ 2.50, segundu hetan folin $ 2.70cent no terseiru heta folin $ 2.90 cent, kafe ho folin hanesan mensiona laos kulit mean maibe nia kulit mutin, tamba ne’e ami hakarak husu ba governu tau matan ba ami nia produtu atu aumenta tan ami nia kafe ninia folin atu nunee ami bele suporta ami nia oan sira ba eskola no sustenta ba iha familia”.
Co’operativa Cocomau iha grupu 27 neebé mak eziste iha Co’operativa ida ne’e, no estabelese iha suku balun mak hanesan suku Manetu, suku Manelobas, suku Edi, suku Maulau, suku Fatubesi, no suku Aitutu i mos Maubisse Villa.
Presidente COCAMAU Maubisse Julio M. Martins nia lia menon ba membru sira ne’ebé mak iha Co’operativa Cocomau, primeiru tenki unidade, tamaba liu husi unidade mak ita bele harii koperativu ida neebé metin nune’e ita bele dezenvolve no lao diak ba iha future oin mai. Ita nia koperasaun, partisipasaun iha aktividades, nune’e produz produtu ida neebé kualidade hahu husi primeiru ne ita tenki servisu makas nee mak it abele produz produtu ne’ebe ho kualidade nunee ita bele hetan rendementu hodi responde ba iha parte ekonomia familia nomos selu ita nia oan sir aba escola.
Jornalista Rafiana Angela
Editor Joaquim Coutinho
