Adm Maubisse Claudino Mendonça: Uma Kain 2.000 Iha Posto Maubisse Seidauk Asesu Roman Eletrisidade

0
404 views

Racom Maubisse, 6/6/2022, Posto Administrativu Maubisase Kompostu husi Suco 9 no Aldeia 62 ho total populasaun 26.000 husi Sensus Uma kain 2015, ho total populasaun ne’ebe mayoria mak hela iha area remotas, barak mak seidauk asesu ba linha eletricidade.

Ba Radio Komunidade Maubisse Mauloko, Administrador Posto Administrativu de Maubisse Claudino Mendonca hateten katak;

“Komunidade iha Postu Adminnistrativu Maubisse kompostu husi suku 9 aldeia 62, no husi sucu 9 refere, suku edi total uma kain 100 mak seidauk asesu ba linha iha eletrisidade, suku Maulau ho total uma kain 360 mak seidauk asesu ba iha eletrisidade, suku Manetu total uma kain 470 mak seidauk asesu ba linha eletricidade, suku Maubisse villa ho total uma kain 200, mak seidauk asesu ba eletricidade, suco Horaiquic ho total uma kain 200, mak seidauk asesu mos ba linha eletricidade e mos Suco Aitutu total uma kain 250 mos seidauk asesu ba linha eletricidade, Suco Manelobas total uma kain 100, no mos suco Fatubessi total uma kain 100  mak seidauk asesu ba linha eletricidade, no mos Suco Lurai total uma kain 90 mak seidauk mos asesu ba linha eletricidade. Signifika katak husi suku hirak ne’ebe mensiona mak seidauk asesu ba linha eletricidade iha Postu Administrativu Maubisse”. Hateten Chefe do Posto Maubisse.

Kna’ar no responsabilidade  Eletricidade de Timor-Leste ou EDTL nian mak tuir politika governu nian tenke dada linha eletricidade ba komunidade sira iha teritorio Timor Laran tomak inklui Posto Maubisse, nune’e bele fo roman ba komunidade sira, liu liu ajuda labarik sira hodi estuda iha tempu kalan, tamba labarik sira maka futuru no espranca ba nasaun, maibe na realidade situasaun oin seluk, ho nune’e Administrador Posto Maubisse Claudino Mendonça haktuir;

“Papel EDTL nian maka Liga eletricidade ba iha iha komunidade sira kada uma kain maibe preukupasaun hirak ne’e seidauk hato’o proposta ba parte relevante, tanba hahu husi tinan kotuk EDTL muda ona ba empreza publika, ne’ebé ita seidauk hatene lolos husi EDTL nia programa ne’e, e Ha’u (Administrador) hateten bei-beik ba EDTL  iha Posto Administrativo Maubisse, se hanesan uluk karik governo mak responsabiliza diretamente ba eletresidade ba komunidade sira, no governo bele atende diretamente maibe agora iha mudansa ona EDTL muda ba EDTL ho naran foun “Empreza Públika”, ne’ebé prosesu husi EDTL ba empreza públika to’o agora ita seidauk hatene sira nia servisu oinsa los, maibe ita hein”. Haktuir husi Claudino Mendonça”.Sublinha Administrador Posto Maubisse Claudino Mendonça

Tamba ne’e lideranca Posto Administrativu Maubisse ne’e, rekomenda ba EDTL IP, atu hare kona-ba kestaun linha eletricidade, tamba total uma kain 2000 iha Posto Administrativo de Maubisse ne’ebé mak seidauk asesu ba roman eletresidade, nune’e iha tempu badak komunidade sira ne’ebé mak seidauk asesu ba iha linha eletresidade iha posto Maubisse bele asesu ba roman eletricidade.

Jornalista            : Selazio Sequeira

Editor                    : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments