Racom Maubisse, 02/06/2022, Rabilau Maubisse sai hanesan fatin ba turismu komunitariu e mos hanesan fatin ba turismu religiozo, Rabilau fatin kmo’ok no furak wainhira vijitante sira vijita sente la kolen no baruk, tamba fatin rabilau ho nia natureza ne’ebe atrai duni vijitante sira nia matan, Realidade hatudu katak paisajem ne’ebe furak ho natureza nia kmo’ok husi lidun id aba lidun seluk ho arsitektu natural ne’ebe desde rai ne’e nia moris mai kmanek nanis ona, baibain vijitante sira dehan Maubisse nia furak konta mos ho Rabiau, Maubisse atu furak liu tan diak liu hakat ba Rabilau, no atu fo sasin kompletu konaba Maubisse diak liu hakt-an ba Rabilau hodi fo sasin ba Maubisse.
Relasiona ho Maubisse nia furak konta ho Rabilau nia kmo’ok, ba Radio Komunidade Maubisse Mauloko, Jose Oliveira Mendonca hanesan ema nebe hela no taumatan ba turismu religiozu iha Rabilau Maubisse haktuir;
“ Ha’u hela iha fatin rabilau kuaze tinan lima ona, hahu iha tinan 2017 no fatin rabilau ne’ebe hatur Cruz ho Nain Feto da Graça iha ne’e hetan bensaun husi Amu Bispu nain rua. Crus bo’ot ne’e hetan inaugurasaun no bensaunhusi Amu Bispu Dili Dom Virgilio do Carmo da Silva SDB, iha 2017 no Nain feto da Graca hetan inaugurasaun no bensaun husi Amu Bispu Maliana iha tinan 2018”.
Jose Oliveira mos salienta liu tan katak;
“Ha’u hela iha fatin ne’e quaze tinan lima ona maibe la hetan apoi ruma ba hau nia nesecidade lor-loron, tamba fatin ne’e hanesan ita mak halo tamba ne’e ita rasik mak tenke hein no kuidadu no asegura no halo lulik liu tan, tamba iha ita nia maluk balu mai vizita karik kita tenke esplika ba sira atu labele hetan dezastre iha fatin rabaliu, atu nune’e wainira sira fila mos bele hetan salvasaun, diak nafatin liu husi Nain Feto Nia tulun”.
Tuir Jose katak hein fatin ne’e la ho intensaun atu buka lukru iha fatin ne’e, tamba fatin ne’e la fo ita para atu husu osan ou ismola ba ema sira nebe mai vizta iha ne’e, maibe tuir konsensia ema ida-idak nian bele hela netik osan ruma hodi bele fasilita buat nebe mak ha’u presija iha vida loro loron.
Hein fatin ne’e hetan netik osan ituan husi paroquia , it abele hare katak, hela fatin ne’e mos dok husi merkadu distansia 6 kilo, kuandu atu ba merkadu sae kuda hodi ba kompras buat ruma depois fila fali mai hodi hein Cruz Santo ho Nain feto da Graca Rabilau hodi atende ita nia vijitante sira, alende ne’e mos Jose Oliveira iha ne’e ha’u hakiak animal mak hanesan asu ida karau no fahi atu nune’e bele sustenta moris.
Jornalista Selazio Sequeira
Editor Joaquim Coutinho
