Racom Maubisse, 03/06/2022, Politika Governu liu husi Secretariu Estado Formasaun Profesional e Emprego iha ona planu fixu atu hari centro formasaun iha laletek Flecha Suco Aituto Posto Administrativu de Maubisse, Municipiu de Ainaro, maibe situasaun iha terenu mosu oin seluk tamba nain ba rai klima katak rai ne’e nain iha, tamba ne’e autoridade sira sei buka meus oinsa rejolve nune’e bele hetan solusaun antes implement aka kontrui centro formasaun.

Depois de surumutuk ba Radio Komunidade Maubisse Mauoko, Administrador Posto Administrativu de Maubisse, Claudino Mendonca hateten katak;

“Fatin Flecha ne’ebe maka destinado atu halo konstrusaun ba sentru formasaun husi SEFOPE iha tinan 2021 klaru ona maibe komu ho pandemia kovid-19 paradu, maibe iha tinan 2022 SEFOPE iha ona planu fixu atu bele hahu ona konstrusuan, maibe etapa por etapa tamba ne’e ohin dia 3 de junho ami mai iha ne’e para komfirma hodi bele hahu ona konstrusaun, maibe agora mosu fali failansu tanba iha grupo balun halo protesta entaun sei buka meus hodi rejolve”.

Administrador Posto Maubisse Caludino Mendonca haktuir liu tan katak, Hanesan Admistrador Posto Maubisse sei la bele halo karta ba Secretario Estado SEFOPE, tanba kontrato fan no sosa rai ne,e autoridade laiha konhecimentu;

“Hanesan Administrador sei la halo kart aba Excia Secretariu Estado SEFOPE, tamba ami autoridade local laiha konhecimentu konaba ema nebe sosa no ema nebe fan rai e mos laiha konhecimentu no la konsidera mos Xefe do Suku sira, to’o ikus rai ne destinado para atu hari sentru formasaun iha fali grupo ida mak halo inpedemento, maske ohin dudu ba mai hamosu nafatin dezentendementu, entaun ohin ami hamutuk ho Diretor SEFOPE Munisipio Ainaro ho komadante Eskuadra Maubisse hodi asegura katak projeto nee iha Posto Admistrativo Maubisse no sei labele ses husi Maubisse”.

Husu konaba oinsa rejultadu enkontru ho lideranca komunitariu, komunidade ho SEFOPE, nune’e bele fo oportunidade ba SEFOPE hodi hari Centru Formasaun ne’ebe planeia husi SEFOPE, Claudino Mendonca Administrador Posto Maubisse ne’e haktuir katak;

“Ohin ami fo alternativa loron tolu ba sira atu sira bele hanoin didiak se iha loron tolu nebe mak ami fo ne’e mak laiha solusaun, ami iha ona fatin nebe mak prepara ona, no Diretor SEPOPE rasik mos hare tia ona ho matan katak fatin ne rai luan teb-tebes para bele dezemvolve sentru formasaun ne’e sai fatin nebe mak diak ba futuru, tanba ne’e ami hamutuk ho xefe suku Maubisse, PNTL Esquadra Maubisse, Director SEPOPE Munisipio Ainaro to’o iha fatin alternativa garantia katak fatin ida ne pronto para hodi hari sentru formasaun ba iha Postu Maubisse, karik fatin iha Fleixa la fiksu ami prontu atu kopera hodi nune’e sentru formasaun ne’e labele muda fali ba fatin seluk, tanba projeto ne’ebe mai iha ita nia munisipio no posto labele husik fali ba fatin seluk ita tenke simu ho liman rua”.

Relasiona ho disputa rai iha Flecha Aituto maubisse konaba atu hari centru formasaun no dezemvolvimentu turismu iha Flecha husi Timor Plaza, Chefe do Suco Aituto Antonio Mendonca mos haktuir katak;

“Governu iha nia kompetensia no nia responsabilidade atu buka dalan alternativu rezolve problema ki’ikoan sira nune’e e mos hanesan lideranca komunitariu iha suco Aituto halao knar tuir lei ne’ebe iha hodi rejolve problema sira tuir dalan legal, maibe se mosu dezentendimentu entre ema ne’ebe fan rai no ema ne’ebe hola ka sosa rai ne’e ita tenke halai ba lei”.

Chefe suco Aituto ne’e mos salient liu tan katak;

“Foin lalais Timor PLAZA mós fó ona espasu ba iha ultimo rekursu ne’ebé sira sukat, iha tempu ne’eba Plaza sukat ona, maibé iha balun dehan seidauk, governo foin lalais hateten katak hein orden governo ninian sira fó ami, sira nia esistensia liu ba plaza, maibé plaza mós tenki hein desizaun husi governu tamba governo mak sai nain ba rai ida ne’e, governo iha nia kbi’it no responsabilidade.

Tamba ne’e Chefe suco ne’e husu ba komunidade, autoridade local, xefi aldeia sira, liu-liu veteranos sira mak tenki iha kordenasaun diak, hodi bele fó hanoin ba joven sira, nunee lian ida deit hodi bele lori rai ne’e ba dezenvolvimentu, tuir mehi ne’ebe ita hotu mehi katak mate ka moris ukun rasik-an, e agora ita ukun-an ona oinsa mak atu kontribui tan dala ida hodi dezemvolve.

Iha surumutuk ne’ebe mak realiza iha Flecha Aituto Maubisse ne’e participa mos husi Chefe do Suku Maubisse Villa Wilson Nivio Mendonca, tamba ne’e tuir pontu de vista chefe do suco Maubisse Villa ne’e katak;

“Objektivo ohin partisipa iha surumutuk ne’e atu akompana hodi identifika fatin ba kontrusaun cetru formasaun ne’ebe planeia ona husi SEFOPE, tanba fatin ne’e sai hanesan alternativa nebe plano husi ita nia governo liu husi Sekretario Estado SEFOPE, ne’ebe identifika ona maske rai refere sei mosu hela dezentendimento husi komunidade sira no seidauk konkorda, tamba sira halo negosiasaun seidauk los, ne’ebe hanesan suku Maubisse Villa, lakoi katak oportunidade ida nee muda fali ba fatin seluk, entaun suku Maubisse pronto atu kopera no suku Maubisse iha fatin atu bele fo ba iha Sekretario Estado Formasaun Emprego atubele hari sentru treinamentu ida para aban bainrua bele atrai ita ninia joventude sira bele prepara-an didiak no kapsitas sira sai ema nebe profisional atu nune’e joven sira prepara sira nia ann ba futuru ho diak”.

Tanba nee iha suku Aitutu ou Fleixa la prontu atu simu entaun suku Maubisse pronto para atu simu oportunidade ida ne’e, tanba fatin refere iha Aldeia Villa Aldeia Aldeia Tilituku no Aldeia Likitei ninia klaran  iha fatin refere dukurai-tete, wainhira sira lakoi ita pronto atu bele simu oportunidade ida ne’e iha suku Maubisse Villa, tamba ita nia fatin preparado ona tanba rai nebe identifika rai ne’e entrega ona ba governo, postu no suku e fatin ne’e ita prepara duni para atu bele halo dezemvolvimento iha futuro.

Jornalista Natalino Mendonca

Editor Jaquim Coutinho