Racom Maubisse Mauloko, 01/06/2022, Kada Tinan Parlamentu Nasional aprova orsamenu ho montante bo’ot no seitor importante ida mak infrastruktura, hanesan pontes no estradas maibe nafatin kondisaun Estrada iha area remotas sira liu liu sucs no aldeias sira nafatin at, halo komunidade no lideranca komunitariu sira halerik bebeik no ba bebeik.
Relasiona ho kondisaun Estrada ne’eebe at iha Suco Maununu, Posto Administrativu Ainaro Villa, ba Radio Komunidade Maubisse Mauloko, Chefe do Suco Maununu, Valente Ramos Bianco hateten ho lian makas katak;
“Hare ba kondisaun estrada ne’e lolos kompana ida halo remata ona tamba kompanhia refere halao rehabilitasaun ba Estrada ligasaun Ainaro Villa mai Suco Maununu ne’e hahu kedas husi tinan 2016 maibe ate agora projeto ida nee ladun asilera, agora tama ba tinan neen ona seidauk finalize deit, tamba ne’e hanesan lideransa komunitaria reprezenta povu iha suku ida ne’e, lamenta tebes ho serbisu ida ne’ebe hakdasak los ne’e”.
Husu konaba kompanhia ne’ebe mak responsabiliza konaba rehabilitasaun Estrada ligasaun Posto Ainaro Villa ba Suco Maununu, Chefe do Suco Maununu Ainaro, Valente Ramos Bianco ho lian duvida haktuir;
“Ha’u la hatene kompanaha ida ne’e husi ministerio obras pubulika ka ou lae e ministeriu obras publiko kontrola ka la kontrola konaba projeitu ida ne’e ha’u mos la hatene, tamba projeitu ne’e hahu husi tinan 2016, maibe to’o agora seidauk remata deit tamba ne’e tuir hau nia hare katak serbisu ne’e failha total, tanba sa mak to agora tinan neen ona seidauk remata hela deit, ne’e ho rajaun saida mak seidauk remata nee”.
Lideranca Komunitariu Suco Maununu Ainaro ne’e haklean liu tan ho expresaun ne’ebe triste katak;
“Hanesan chefe suku reprezenta povu sempre kestiona bebeik ba iha munisipio ba iha obras publiku no ami mos halo karta ba iha obras publiku, mais ate agora ami seidauk hetan resposta husi parte ministro obras publiku, sira atu mai hare kondisaun Estrada iha suku refere, tamba Estrada ne’e kuandu tempu udan ita nia komunidade sira labele lori sira nia produtu lokal ba fan iha Ainaro, tanba mota boot, laiha ponte atu komunidade sira bele ultrapassa iha tempo udan”.
Lia menon ba iha ministerio kompatente atu responsabiliza ba iha Estrada ida ne’e, oinsa mak atu tun mai hodi observa direita atu bele kontinua halo hotu, atu nune komunidade sira utiliza hodi lori sira nia produtu nebe iha suku ne’e bele ba fan iha merkado Ainaro Villa.
Relasiona ho kondisaun Estrada Suco maununu ne’ebe tinan naruk ona governu liu liu Ministeriu Obras Publiku labele hadia, tuir Administrador Interinu Municipiu Ainaro Jose de Araujo katak;
“Hanesan Autoridade interinu munisipio Ainaro nian hakarak dehan deit katak ita komesa halo plano barak no implementa ona projeitu lubuk ida iha Municipiu Ainaro kuaze 50٪, nebe mak inplenta ona iha posto haat iha munisipio Ainaro, agora mos implementa ona dadaun iha suku Maunono, maibe kestaun orsamentu deit, maibe ha’u hanoin katak estadu mos tau importansia ba iha dalan area rural sira, hanesan mos dalan liga mai suku Maununu ne’ebe mak to agora tinan neen ona seidauk remata ida nee hau hanoin falha husi kompanha, tamba tuir politika governo ida ne’e nian hakarak halo buat diak ba povo tomak, maske parado maibe governo esforsu hela oinsa estrada sira ne’e bele lao, espera tinan ida ne’e bele hotu, atu nune povu agrikultor sira husi suku bele tranporta sira nia produto local ba merkadu”.
Triste kahur ho kolen halo viajem tamba kondisaun Estrada iha area rural sira husi tinan ba tinan la iha mudansa e kada tinan maske iha uma fukun Parlamentu Nasional aprova orsamenu ho montante bo’ot ba seitor importante sira, ida mak konaba infrastruktura, hanesan pontes no estradas, maibe na realidade saida mak hatudu nafatin kondisaun Estrada iha area remotas sira liu-liu suco no aldeias sira at, halo komunidade no lideranca komunitariu sira halerik bebeik no ba bebeik. Husu ba Nai ulun sira iha Parlamentu Governu atu tau atensaun seriu ba kondisaun Estrada sira iha area rural nune’e bele facilita komunidade kbit laek sira lori sira nia produtu local mai merkadu.
Jornalista Carlos Borges
Editor Joaquim Coutinho
