Racom Maubisse 24/05/2022, Administrador Munisipio Ainaro kompremete sei kria tarabandu ba animala fuik sira hanesan lekrauk ho tan animal fuik sira seluk iha area jakarta 2 Aldeia Builiku Ainaro, tamba oras ne’e dadauk animal hanesan lekirauk komesa maus ba bebeik. Informasaun ne’e hato’o hosi administrador munisipio ainaro leovigildo amaral pereira wain hira hamutuk ho ministru asuntus veteranu julio meta mali vijita fatin jakarta 2 hodi hare besik liutan lekirauk sira nebe komesa maus ba bebeik no vijita ne’e ministru asuntu veteranus hamutuk ho administrador konsege fo han direta ba lekirauk sira iha jakara 2 munisipio ainaro.
Ba radio komunidade Maubisse mauloko, liu husi vijita ne’ebe Administrador Munisipio Ainaro Leovigildo Amaral pereira hateten katak;
“Arae Jakarta 2 Aldeia Builiku Ainaro hau nia parta sei tau iha planu ida hodi kria tarabandu iha area jakarta 2 hodi prejerva animal fuik sira hanesan lekirauk nebe komesa maus ba bebeik atu ema labele oho arbiru”.
Entertantu tuir observasaun Radio Komunidade Maubisse iha terenu oras ne’e dadauk komunidade sira iha aldeia builiku jakarta 2, kada loron fo han no tau mos be iha fatin nebe destinada nune’e lekreuk sir abele konsumu, tamba ne’e ba oras ne’e dadaun lekirauk hirak ne’e komesa maus ba bebeik.
Jornalista Imaculada Mendonca
Editor Joaquim Coutinho
