Racom Maubisse 09/05/2022 Administrador Postu Administrativo de Maubisse Claudino Mendonça, realiza surumutuk ida hamutuk ho Funsionariu Administrasaun Posto Maubisse, Linhas Ministeriais sira ne’ebe destakadu iha Posto Maubisse hodi koalia konaba preparasaun ba komemorasaun restaurasaun 20 de Maio 2022, tamba Timor Leste Komemora restaurasaun independencia ba dala 20 nomos tomada de posse ba presidente RDTL foun.
Depois de enkontru Administrador Postu Administrativo de Maubisse ba jornalista radio Komunidade Maubisse hateten katak;
“Enkontru ohin kolaia konaba forma komisaun kik ida hodi halao preparasaun ba loron restaurasaun da independensia 20 de maiu ba dala 20, iha Postu Administrative Maubisse, no programa neebe maka atu halao iha komemorasaun 20-05-2022, ba dala 20 mak sexta sei halao limpeza jeral, iha area dorres Postu Administrative Maubisse, espesial merkadu Maubisse nomos fatin ba isar bandeira e orienta mos ba xefe suku sira atu mobiliza komunidade sira mai ho bandeira hodi partisipa iha seremonia isar bandeira, orienta mos ba xefi suku sira atu harii bandeira iha ida idak nia uma oin, nomos iha dia 19 de Maio dader missa iha paroquia Imaculado Curação de Maria Maubisse, sai missa lori aifunan ba rate, depois kalan sei loke fimajen akontesimentu 1975 too 1999, atu hatudu ba komunidade sira katak prosesu liberta ita nia rain husi okupasaun indonesia prosesu nee lao hanesan nee, e liu-liu hatudu ita nia filmajen nee ba ita nia jovens iha Postu Administrative Maubisee nebe maka moris iha 1998 ,1999 ate 2000 sira ladun apar prosesu ba luta ukun rasik-an nee, no husi filmajen nebe maka loke iha dia 19 kalan ho sentidu hodi hatudu ba jovens sira katak prosesu luta ba ukun rasik ann nee lao hamnesa nee” hateten Administrador Claudino Mendonca.
Kada tinan Autoridade local Posto Maubisse ho nia komunidade sira sempre halao serimonia isar bandeira hodi komemora loron historiku restaurasaun independencia 20 de Mai hodi hanoin hikas tinan 20 liu ba restaurasaun independencia iha Taci Tolu, ne’ebe asiste diretamente husi ema mundu tomak inklui Secretario Jeral Nasoes Unidas Cofi Anan, Presidente America Bill Clinton, Presidente Portugal, Presidente Indonesia, nomos chefe Estado husi nasaun barak nomos Chefe do Governu husi Nasaun Lubuk ida. remata.***
Jornalista : Imaculada Mendonca
Editor : Joaquim Coutinho
